Yovi
30 “Kaliye ovo va ndi yola,+
Alume amalẽhe okuti ame ci sule,
Vana okuti va isiavo nda sia tavele
Oku va kapa lolombua vi lava ocunda cange.
2 Ongusu yovaka avo ya kuata esilivilo lie kokuange?
Olohõlo viavo via pua.
3 Ovo va kava omo liefũki kuenda onjala;
Ovo va takĩla eci ovo va sanga vofeka yimue yekango
Yina ya nyõliwa ale, haiyo ya siala elunda.
4 Ovo va tukũla amẽla omongua kovisapa;
Okulia kuavo olumbombo luoviti viocinendele.
5 Va tundisiwa posongo;+
Kuenda omanu va va kalukila ndu okuti, va kasi oku kalukila ocimunu cimue.
6 Ovo va tunga vovimbota,*
Vovitunu posi kuenda vasenje.
7 Ovo va kalukila pokati kovisapa,
Kuenda va lilundikila pamosi pokati konjunde.
8 Ndomãla vaveke kuenda ndomãla va vana ka va kuete onduko,
Va lupuisiwa* vofeka.
9 Pole, cilo ovo va ndi yola epembe ndaño muẽle vovisungo viavo;+
10 Va ndi suvuka kuenda vamamako oku kala ocipãla lame;+
Ka va likandangiya oku siyila kocipala cange.+
11 Omo okuti Suku wa ndi honguisa* kuenda wa ndi kutisa osõi,
Ovo va ndi katukila* okuti, ka va kuata ohele.
12 Ovo va katuka ndocimunga cimue covingumba kondio yange;
Ovo va ndi kisika oku tila
Va sitika onjila yange oco va ndi kundule.
14 Ovo va iñila ndu okuti vepangu limue linene li kasi vocimbaka;
Ovo va iñila vocitumãlo cimue ca kunduiwa.
15 Ocinjoko ca ndi viala;
Esumbilo liange li ambatiwa ndu okuti lofela,
Kuenda epopelo liange lia takata ndelende limue.
18 Longusu yalua, uwalo wange u nyõliwa;*
Owo u ndi sukilisa omuenyo ndosingo yuwalo wange.
19 Suku wa njimba vonata;
Nda linga ndoneketela kuenda ndetiko.
20 Ndi kalukila kokuove oku pinga ekuatiso, pole, ku ndi tambulula;+
Ndi talama, pole, ove o vanja lika kokuange.
21 Ove wa ndi ñualelapo lungangala;+
O ndi katukila longusu yosi yeka liove.
22 Ove o ndi katula kuenje o njambata lofela;
Noke o ndi imbila oku loko vehunguhungu.*
23 Nda kũlĩha okuti, ove o ka ndi tuala kolofa,
Vonjo muna omanu vosi va kasi lomuenyo va ka lisanga.
24 Pole, lomue wa ponduile oku katukila omunu umue wa nyõleha*+
Osimbu eye a kaluka oku pinga ekuatiso vokuenda kuotembo yaye yocilunga.
25 Anga hẽ ame sia lilile omo lia vana va pita votembo ya tĩla?*
Sia kuatelele ohenda ohukũi?+
26 Ndaño nda lavoka uwa, kueya ũvi;
Nda kevelela ocinyi, pole, kueya owelema.
27 Asakalalo vokati kange ka a liwekelepo;
Oloneke viohali via ndi katukila.
28 Ngenda lesumuo;+ ka kuli ocinyi cutanya.
Ame ndi katuka vokati kekongelo kuenda ndi kaluka oku pinga ekuatiso.
31 Ohalupa yange yi silivila lika koku lisiõsiõla
Kuenda olumbendo luange luoku kuama ocileñi ca vana va lila.