Olosamo
Ocisungo Covongende.
132 A Yehova ivaluka Daviti
Kuenda ohali yaye yosi;+
2 Ndomo eye a lisila la Yehova
Kuenda ndomo a likuminya Kukuonene wa Yakoba hati:+
3 “Si ka iñila vombalaka yange, vonjo yange.+
Si ka pekela pomangu yange ya fina, pula wange;
4 Si ka ecelela okuti ovaso ange a yika,
Ndaño oku pekela,
5 Toke eci ndi tumbikila Yehova ocitumãlo cimue,
Ocitumãlo cimue ca posoka* Ukuonene wa Yakoba a ka tungila.”+
9 Ovitunda viove vi wale esunga,
Kuenda vana va ku kolela va kaluke lesanju.
11 Yehova wa lisila la Daviti;
Ocili, eye ka ka litiukamo kondaka yaye yokuti:
12 Nda omãla vove va kapako ocisila cange
Lolonumbi viange vina ndi va longisa,+
Omãla vavo lavovo
Va ka tumãla kocalo cove otembo ka yi pui.”+
13 Momo Yehova wa nõla o Siono;+
Eye wa yonguile o Siono ndocitumãlo caye muẽle kuenda wa popia hati:+
14 “Eci oco ocitumãlo cange cepuyuko otembo ka yi pui;
Kulo oko ndi tungila,+ momo eyi oyo onjongole yange.
15 Ndi ka sumũlũisa calua olupale luaco lokulia;
Ndi ka kutisa lombolo olohukũi vialio.+
17 Oko ndi ka kulisila ongusu* ya Daviti.
Nda pongiyila ombuavekua yange ondiyelo yimue.+
18 Ndi ka walisa ovanyãli vaye losõi,
Pole, ekolowa li kasi kutue waye li ka nina.”+