Olosamo
Osamo ya Daviti yina omanu va sukila oku ivaluka.
38 A Yehova, ku ka ndi lungule vonyeño yove,
Ndaño oku ndi lemẽla vonyeño yove.+
2 Momo ovisongo viove via ndi toma,
Kuenda eka liove lia ndi lema.+
3 Etimba liange liosi li vela* omo lionyeño yove.
Nda linga ekandu kuenda eli olio esunga lieci si kuetele ombembua.+
4 Momo akulueya ange a ndi talisa ohali;+
Ndocitele cimue ci lema, o-o alua okuti si tẽla oku ambata.
5 Apute ange a lẽha kuenda avola
Omo liuveke wange.
6 Ame nda sakalala kuenda nda sumua calua;
Eteke liosi ngendaenda loku sumua.
8 Nda sumua kuenda nda sasõha enene;
Utima wange wa tokotelua, u ndi kokela oku leña leña lolukandi.
9 A Yehova, ove wa kũlĩha olonjongole viange viosi,
Kuenda oku leña leña kuange ka kua vundisiwile kokuove.
10 Utima wange u tukoka, ongusu yange ya pua,
Kuenda ocinyi covaso ange ca ndi sia.+
11 Akamba vange kuenda vana va lisungue lame va ndi yuvula omo liuvei wange,
Kuenda va ngandiange va ndi kalila ocipãla.
12 Vana va kasi oku sandiliya oku ndi ponda va petula olonjanjo;
Vana va kasi oku seteka oku ndi linga cĩvi, va vangula eci catiamẽla koku ndi kundula;+
Ovo va sokiya elimbi eteke liosi.
13 Pole, ndomunu ocisitatũi, ame sia ponduile oku yevelela;+
Ndomunu ocitende, sia ponduile oku yulula omẽla wange.+
14 Ndi kasi ndomunu ka tẽla oku yevelela,
Una okuti, vomẽla waye ka muli lacimue coku popia oco a liteyuile.
16 Momo nda popia hati: “Ovo ka va ka sanjukile ohali yange,
Ale oku li kemãlisa ovo muẽle eci omãhi yange yi sielũha.”
17 Momo nda laikele oku kupuka,
Kuenda olonjanja viosi nda kala oku yeva evalo.+
19 Pole, ovanyãli vange va pama* haivo vakuonene,*
Vana va ndi nyale okuti ka va kuete esunga lioku ci linga, va livokiya.
20 Eci ciwa va ci ndi fetuluinya leci cĩvi;
Ovo va seteka oku ndi tateka oku amamako oku linga eci ciwa.
21 A Yehova, ku ka njanduluke.
A Suku, ku ka kale ocipãla lame.+
22 Yayulako oco o ndi kuatise,
A Yehova, upopeli wange.+