Isaya
12 Keteke liaco, ove o ka popia muẽle hati:
“Ndu ku pandula, A Yehova,
Momo ndaño wa temẽle lame,
Onyeño yove ya tulumũha vevando kuenda wa ndembeleka.+
2 Tali! Suku eye upopeli wange.+
Ame ndi ka kolela kokuaye kuenda si ka kuata usumba,+
Momo Yehova, Yehova eye ongusu yange kuenda unene wange,
Kuenje eye wa linga upopeli wange.”+
3 Lesanju, ene vu ka tapa ovava
A tunda volono viepopelo.+
4 Keteke liaco, vu ka popia hoti:
“Eci olopandu ku Yehova, vilikiyi onduko yaye,
Sapuli ovilinga viaye oco vi kũlĩhĩwe pokati komanu!+
Sapuli okuti onduko yaye ya kemãla.+
5 Imbili Yehova ovisungo viesivayo,*+ momo eye wa linga ovina vi komõhisa.+
Ci kũlĩhĩwe kilu lieve liosi.
6 Kaluki kuenda yoleli, ene alonungi* vio Siono,
Momo unene pokati kene eye Una o Kola wa Isareli.”