Isaya
15 Esapulo limue lioku katukila o Moavi+ liokuti:
Omo okuti oyo ya nyõliwa vuteke umosi,
O Are+ yo Moavi ya imũha.
Omo okuti oyo ya nyõliwa vuteke umosi,
O Kiri+ yo Moavi ya imũha.
Moavi o lisiõsuĩla o Nevo+ kuenda o Medeva.+
Ovitue viosi via pemuĩwa,+ olonjele viosi via tetiwa.+
3 Volokololo viavo, va wala ocikelẽyi.
Kalusoka avo kuenda volokololo viavo vosi yavo oko va lisiõsuĩla;
Ovo va loka loku lila.+
Eli olio esunga lieci alume va limalẽha vo ko Moavi va amamako oku kaluka.
Eye o kasi oku luluma.
5 Utima wange wa kaluka lolukandi omo lio Moavi.
Vakuakutila va enda toke ko Cohara+ kuenda ko Eglati-Sielisiya.+
Ovo va lamana ko Luhiti loku lila.
Konjila yi loña ko Horonayimi ovo va kaluka lolukandi omo liocilunga.+
6 Momo ovava o Nimirimi a takata.
Owangu u talala wa kukuta,
Owangu wa puako kuenda ka kuli vali ovikũla vi talala.
7 Eli olio esunga lieci ovo va kasilili oku ambatela eci ca supa volosila viavo kuenda kovokuasi avo;
Ovo va kasi oku yoka avunje ocimbota.*
8 Kocikanjo cosi co Moavi ku yevalela oku liyula lolukandi.+
Elisiõsuĩlo liaco lia pitĩla toke ko Eglayi;
Elisiõsuĩlo liaco lia pitĩla toke ko Bere-Elimi.
9 Momo ovava o ko Divoni eyuka losonde,
Kuenda ñuete vali vociseleko co Divoni:
Numa ohosi yimue ku vakuakutila ko Moavi
Kuenda ku vana va supa vofeka.+