Isaya
56 Ca popia Yehova ceci hati:
“Lingaingi esunga+ kuenda lingi eci ca sunguluka,
Momo epopelo liange ndopo liya
Kuenda esunga liange li ka situluiwa.+
2 Wa sumũlũha omunu o ci linga
Kuenda omõla womunu o ci kakatela,
Una o lava Esambata haeye ka li sepula+
Kuenda o kandangiya okuokuo kuaye koku linga cosi cĩvi.
3 Ocingendeleyi ci likongela ku Yehova+ ka ci ka popie citi:
‘Yehova o ka ndi tepa muẽle pokati komanu vaye.’
Kuenda enuku ka li ka popie liti: ‘Tala! Ame nduti umue wa kukuta.’”
4 Momo ca popia Yehova ku va enuku okuti, vakuakulava asambata ange haivo va nõla oku linga eci ndi sanjukila, loku kakatela kocisila cange, ceci hati:
5 “Ndi ka eca kokuavo ocitumãlo cimue vonjo yange kuenda ndi ka ivaluka onduko yavo,
Ocina cimue ca velapo okuti omãla valume lomãla vakãi va sule.
Ndi ka eca kokuavo onduko yimue yotembo ka yi pui,
Yina okuti lalimue eteke yi ka ivaliwa.
Kuenda oku linga akuenje vaye,
Vosi va lava Esambata haivo ka va li sepula
Kuenda va kakatela kocisila cange,
7 Ndi ka va nenavo komunda yange yi kola+
Kuenje va sanjukila oku kala vonjo yange yohutililo.
Ame ndi ka tava ovilumba viosi vioku pia elisi kuenda ovilumba ovo va ka lumbila kutala wange.
Momo onjo yange yi ka tukuiwa okuti, onjo yohutililo yomanu vosi.”+
8 Ñala Tõlo Yehova, una o kasi oku ongolola va Isareli vana va sanduiwa,+ wa popia hati:
“Ndi ka ongoluila kokuaye vakuavo okuti, vana vongoluiwa ale, havoko lika.”+
9 Vosi yene avinyama viovusenge, enjui ndo li,
Vosi yene, avinyama viovusenge.+
10 Olondavululi via linga olomeke,+ ka vi limbuka cimue.+
Vosi yavo olombua ka vi kui, ka vi tẽla oku kua.+
Ovio vi kasi okuõla, vi pekela; ovio vi sole oku suñila.
11 Ovio olombua vi kuete onjala yalua;
Ndaño okuti, ovio vi lia lopo ka vi kuta.
Olondavululi viaco, angombo vamue ka va kuete elomboloko.+
Vosi yavo va endela vonjila yavo muẽle;
Omunu lomunu pokati kavo o lisandela eye muẽle onganyu yevĩho loku popia hati:
12 “Enjui, ndi kopa ovinyu,
Tu nyui toke eci tu kolua.+
Kuenje hẽla, li ka soka ndetaili, pole, li ka velapo!”