Mika
7 Ngongo yange we! Ame ndi sokisiwa la umue,
Okuti noke yoku ungula apako ondombo
Kuenda oku ongolola ayuva ana a supa noke yoku ungula,
Ka sangi ocisiakata lacimue cayuva coku lia,
Laumue ukuyu ndi sole wa pia lonjanga.
2 Una ukuacili wa kunduiwa kilu lieve;
Ka kuli laumue ukuesunga pokati komanu.+
Vosi yavo va lavekela vonutula oco va pesele osonde.+
Omunu lomunu o yeva manjaye lowanda.
3 Ovaka avo a loñoloha koku linga eci cĩvi;+
Ombuale yi linga akisika,
Onganji yi sombisa poku pinga ocitukiko,+
Omunu wa kemãla o kũlĩhĩsa olonjongole viaye,+
Kuenda ovo va talavayela pamosi.*
4 U wa velapo pokati kavo o kasi ndolosongo,
Ukuesunga pokati kavo wa piãlapo vali okuti, olumbo luosongo lu sule.
Eteke lialume vove va kuakulavulula kuenda eteke liesombiso li keya.+
Kuenje ovo va ka sakalala.+
5 Ko ka koleli kekamba liene
Ale oku kolela kekamba limue lioponipa.+
Lunguki leci vu sapuila una o kasi ponele yene.
6 Momo omõla ulume o sepula isiaye,
Omõla ufeko o katukila ina yaye,+
Kuenda ukãi womõlaye ulume o katukila ndantembo yaye yukãi;+
Ovanyãli vomunu, omanu vakuanjo yaye muẽle.+
7 Pole, catiamẽla kokuange, ame ndi kamamako oku kevelela ku Yehova.+
Ndi ka lekisa ocituwa* coku kevelela ku Suku yange yepopelo.+
Suku yange o ka ndi yevelela.+
8 Ku ka ndi sanjukile, Onyãli wange.*
Ndaño nda kupuka ndi ka votoka;
Ndaño okuti ndi kasi vowelema, Yehova o ka kala ocinyi cange.
9 Ndi ka pandikisa konyeño ya Yehova
Momo ndo lueyela+
Toke eci eye a tetulula ocitangi cange kuenda oku ndi nenela esunga.
Eye o ka ndi tuala vocinyi;
Ndi ka mola esunga liaye.
10 Unyãli wange o ka ci molavo,
Kuenda osõi yi ka sikĩlĩla una wa ndi sapuila hati:
“Yehova Suku yove o kasi pi?”+
Ovaso ange a ka mola unyãli wange.
Eye o ka liatiwa ndolonata volokololo.
11 Li ka kala eteke limue lioku tunga ovimbaka viene viovawe;
Keteke liaco, ongave yi ka vokiyiwa.*
12 Keteke liaco, ovo va keya kokuove
Oku upisa ko Asuria kuenda kalupale o Kegito,
Oku upisa Kegito yosi toke Kolui;*
Oku upisa kokalunga toke kokalunga kuenda oku pisa komunda toke komunda.+
13 Kuenda ofeka yi ka siala upolokoso omo liolonungi vialio,
Omo liovina ovo va linga.*
14 Lava omanu vove lombueti yove, ocunda cocipiñalo cove,+
Una wa kala lika waye vusenge pokati koviti viapako.
Ovo va lise ko Basiane kuenda ko Gileada+ ndeci ca kala koloneke vio kosimbu.
15 “Ndeci ca kala koloneke eci ene wa tundi kofeka Yegito,
Ame ndi ka lekisa kokuaye ovina vi komõhisa.+
16 Olofeka vi ka mola kuenda vi ka kutisiwa osõi ndaño okuti vi kuete unene wosi.+
Ovo va ka kapa eka liavo komẽla wavo;
Ovatũi avo a ka kala ovisitatũi.
17 Ovo va ka lesa oneketela ndolonyõha;+
Ndovinyama vi likoka posi, ovo va ka tunda loku luluma kovitumãlo viavo viocitililo.
Va keya ku Yehova Suku yetu loku yokoka,
Kuenda va ka ku kuatela usumba.”+
Eye ka ka tema otembo yosi,
Momo o sanjukila ocisola ka ci pongoloka.+
19 Eye o ka lekisa vali ohenda kokuetu;+ o ka yula* akandu etu.
Ove o ka imba akandu avo osi kosi yokalunga.+
20 Ove o ka lekisa esunga ku Yakoba,
Ocisola ka ci pongoloka ku Avirahama,
Ndomo wa likuminya ku vakukululu yetu tunde koloneke viosimbu.+