• Isaya 2:2, 3
    Embimbiliya li Kola—Epongoluilo Lioluali Luokaliye

    •  2 Konepa ya sulako yoloneke,*

      Omunda yonjo ya Yehova

      Yi ka velapo koku lepa okuti, olomunda viosi vi sule,

      Kuenda oyo yi ka pitahãla oviwulu koku lepa,+

      Kuenje olofeka viosi vi ka lamanelako.+

       3 Kuenje omanu valua va keya loku popia vati:

      “Enjui, tu lamaneli komunda ya Yehova,

      Konjo ya Suku ya Yakoba.+

      Eye o ka tu longisa eci catiamẽla kolonjila viaye,

      Kuenje etu tu ka endela volonjila viaye.”+

      Momo ocihandeleko* ci ka tunda ko Siono,

      Kuenda ondaka ya Yehova yi ka tunda ko Yerusalãi.+

  • Isaya 56:6, 7
    Embimbiliya li Kola—Epongoluilo Lioluali Luokaliye

    •  6 Catiamẽla kovingendeleyi vi likongela ku Yehova oco viu vumbe,

      Oco vi sole onduko ya Yehova+

      Kuenda oku linga akuenje vaye,

      Vosi va lava Esambata haivo ka va li sepula

      Kuenda va kakatela kocisila cange,

       7 Ndi ka va nenavo komunda yange yi kola+

      Kuenje va sanjukila oku kala vonjo yange yohutililo.

      Ame ndi ka tava ovilumba viosi vioku pia elisi kuenda ovilumba ovo va ka lumbila kutala wange.

      Momo onjo yange yi ka tukuiwa okuti, onjo yohutililo yomanu vosi.”+

  • Mika 4:1, 2
    Embimbiliya li Kola—Epongoluilo Lioluali Luokaliye

    • 4 Konepa ya sulako yoloneke,*

      Omunda yonjo ya Yehova+

      Yi ka velapo koku lepa okuti, olomunda viosi vi sule,

      Kuenda oyo yi ka pitahãla oviwulu koku lepa;

      Kuenje omanu va ka lamanelako.+

       2 Kuenje olofeka vialua vi keya loku popia viti:

      “Enjui, tu lamaneli komunda ya Yehova

      Kuenda konjo ya Suku ya Yakoba.+

      Eye o ka tu longisa eci catiamẽla kolonjila viaye,

      Kuenje etu tu ka endela volonjila viaye.”

      Momo ocihandeleko* ci ka tunda ko Siono,

      Kuenda ondaka ya Yehova yi ka tunda ko Yerusalãi.

  • Sakariya 8:22, 23
    Embimbiliya li Kola—Epongoluilo Lioluali Luokaliye

    • 22 Kuenje omanu valua kumue lolofeka via pama va keya oco va vumbe Yehova ukualohoka vo Yerusalãi+ loku pinga ohenda ya Yehova.’

      23 “Ca popia Yehova ukualohoka ceci hati: ‘Koloneke viaco, alume ekũi vakualimi olofeka viosi+ va ka kuata, ocili, va ka kuata kuwalo* wu Yudea* umue loku popia vati: “Tu yongola oku enda lene,+ momo tua yeva okuti, Suku o kasi lene amanu.”’”+