Isaya
14 Yehova o ka kuatela ohenda Yakoba+ kuenda o ka nõla vali Isareli.+ Eye o ka va* kapa vofeka yavo+ kuenda ovingendeleyi vina okuti olonungi, vi ka likongela kokuavo kuenje vi ka likongela ovio muẽle konjo ya Yakoba.+ 2 Kuenje omanu va ka va tuala vali kovitumãlo viavo kuenje onjo ya Isareli yi ka linga ocipiñalo cavo ndapika valume kuenda ndapika+ vakãi vofeka ya Yehova; kuenje ovo va ka kala olomandekua via vana va vambata kumandekua kuenda va ka pokola ku vana va va kisika oku linga upange wa tĩla.*
3 Keteke eci Yehova a ka ku yovola kohali yove, kesakalalo liove kuenda kupika wa tĩla wa kapiwa kokuove,+ 4 ove o ka popia olusapo olu luesepu luatiamẽla kosoma yo Bavulono luokuti:
“Una wa enda oku kisika vakuavo oku linga upange wa tĩla, wa sulila!
Ekangiso lia pua!+
5 Yehova wa teya ombueti ya vakuevĩho,
Ombueti yolombiali,+
6 Una okuti loku tema kualua wa lemẽha omanu poku va veta lonjila yimue ka ya sungulukile,+
Una okuti lonyeño wa kangisa olofeka lelambalalo lialua.+
7 Cilo, Ilu lieve liosi li kasi kepuyuko.
Omanu va kaluka omo liesanju.+
8 Ndaño muẽle oviti viongaye, vi sanjuka omo liove,
Kumue lolosedru vio ko Levanone.
Ovio vi popia viti: ‘Tunde eci ove wa kupuka,
Lomue ukuakuteta oviti wiya oco a tu tete.’
9 Ndaño muẽle Onjembo* kosi, yi kasi oku yolela
Oco yi ñualẽhele love eci wiya.
Omo liove, oyo yi pasula vana ka va kuete unene kolofa,
Asongui* vosi vo kilu lieve vakuakutalisa ohali.
Oyo yi lingisa okuti olosoma viosi violofeka, vi votoka kovialo viavo.
10 Vosi yavo va ku sapuila vati:
‘Anga hẽ ove wa honguavo ndetu?
Ove hẽ wa linga ndetu?
Vemẽhi liove muli ula umue wovipuka,
Kuenda ocisikĩlĩlo cove ovanyo.’
12 Ove wa loka kilu,
Alumbungululu lunina, amõla womẽle!
Ove wa nyõliwa kilu lieve,
Haive wa enda oku kundula olofeka!+
13 Ove wa popia vutima wove hoti: ‘Ame ndi ka londa kovailu.+
Ndi ka votuila ocalo cange kilu liolombungululu via Suku,+
Kuenda ndi ka tumãla komunda yohongele,
Kovitumãlo vi kasi ocipãla konano.+
14 Ndi ka londa kilu lialende;
Ndi ka li lingisa okuti, ndi lisetahãla la Fũ.’
15 Pole, ove o ka imbiwa kosi ya longa Vonjembo,*
Kolonepa via longa viocitunu.
16 Vana va ka ku mola, va ka vandekela kokuove;
Ovo va ka ku kũlĩhĩsa ocipepi loku popia vati:
‘Anga hẽ u eye ulume wa enda oku sakumũla ilu lieve,
Una wa enda oku lulumĩsa ovoviali,+
17 Una wa lingisa okuti, ilu lieve li kala ndekalasoko
Kuenda wa nyõla alupale alio,+
Una wa likala okuti olomandekua vi enda kolonjo viavo?’+
19 Pole, ove wa imbiwa kosamua okuti kua kapiwile veyambo,
Ndocanja* cimue ca suvukiwa,
Ove wa sikĩlĩwa lovivimbi vina via pondiwa losipata,
Vi imbiwa vocitunu cimue mueyuka ovawe
Ndocivimbi cimue ca kosiwa.
20 Ove ku ka likongela kokuavo veyambo limue,
Momo ove wa nyõla ofeka yove muẽle,
Ove wa ponda omanu vove muẽle.
Ocitumbulukila colondingaĩvi lalimue eteke ci ka tukuiwa vali.
21 Pongiya ocitumãlo cimue coku pondela omãla vavo
Omo lieko lia vakukululu yavo,
Oco okuti ovo ka va votoka loku tambula ilu lieve
Kuenda oku yukisa ofeka lalupale avo.”
22 “Ndi ka va katukila,”+ oco Yehova ukualohoka a popia.
“Kuenda ndi ka nyõla onduko yavo ko Bavulono, ocisupe cavo, ovitumbulukila viavo kuenda olonekulu viavo,”+ oco Yehova a popia.
23 “Kuenje ndi ka lingisa okuti olupale luaco lu ka kala ocipiñalo covisaka, loviva viovava kuenda ndi ka komba olupale luaco lolueyo luenyolẽho,”+ oco Yehova ukualohoka a popia.
24 Yehova ukualohoka wa lisila hati:
“Ndeci ame nda ci sokiya, oco ci ka lingiwa,
Kuenda ndeci ame nda nõlapo, ci ka tẽlisiwa muẽle.
25 U Asuria, ndi ko nyanyuĩla vofeka yange,
Kuenda ndi ko kosela kolomunda viange.+
Okanga yaye yi kopiwa komanu vange,
Kuenda ocilemo caye ci kopiwa kapepe avo.”+
26 Eci oco ca nõliwapo* catiamẽla kilu lieve liosi,
Kuenda eli olio eka liolõha poku katukila* olofeka viosi.
27 Momo Yehova ukualohoka wa nõlapo oku ci linga,
Helie o pondola oku ci tateka?+
Eka liaye liolõha,
Kuenda helie o pondola oku li tiula?+
28 Kunyamo Soma Ahasi a fa,+ kua eciwa esapulo limue liokuti:
29 “A Filisiti pokati kove lomue ka ka sanjuke,
Omo okuti ombueti yina ya enda oku ku veta ya teyiwa.
Momo oku upisa kolombombo vionyõha+ ku ka tunda onyõha yimue yi kuete owule,+
Kuenda ocitumbulukila cayo ci ka kala onyõha* yimue okuti ya tema calua.
30 Osimbu olonuñulu via vana vomboka vi li tekula
Kuenda olohukũi vi pekela okuti via kolapo,
Ame ndi ka ponda olumbombo luove lonjala,
Kuenda eci ci ka supa kokuove ci ka kunduiwa.+
31 Lisiõsiõla, Ove ambundi! Litetela, Ove alupale!
Vosi yene vu ka sumua, A Filisiti!
Momo owisi wuyaki u kasi oku iya oku tunda konano,
Kuenda lalimue esualali li tunda vulala walio.”
32 Ovo va ka tambulula ndati kolomunga violofeka?
Okuti Yehova wa seveta ociseveto co Siono,+
Kuenda vamue vomboka pokati komanu vaye, omo va ka tilila.