Isaya
57 Ukuesunga o fa,
Pole, lomue o ci kapa kutima.
Omo* liohali.
2 Eye o sanga ombembua.
Wosi una endela vesunga o puyukila pula* waye.
3 “Pole, catiamẽla kokuene ameli ocipepi,
Amãla vonganga,
Amãla vukuakahokolo kuenda vocipuepue:
4 Ene vu kasi oku sanumũla helie?
Helie vu kasi oku yikuila omẽla wene oco vu sepuli poku u lekisa elimi liene?
Haneko hẽ vumãla vekandu,
Haene vucitumbulukila colohembi?+
5 Vana va kuete olonjongole vialua vioku lipekela pokati koviti vinene,+
Vemẽhi lioviti viosi via pulika,+
Kuenda vana va pondela omãla vovimbota,*+
Vemẽhi liovawe?
6 Ovawe a sielena o vocimbota* oyo onepa yove.+
Ocili, oyo onepa yove.
Wa eca ovilumba viove vioku nyua kuenda olombanjaile kokuavio.+
Anga hẽ ame ndi sanjukila* ovina viaco?
8 Ove wa kapa ondimbukiso yonjivaluko yove konyima yepito kuenda kocikuli cuvelo,
Wa njanduluka kuenda wa kala epõlõla;
Ove wa londa kuenda wa vokiya ula wove.
Kuenje wa linga lavo ocisila cimue.
9 Ove wa lokila ku Meleke* lulela
Kuenda lulela walua welemba liwa.
Ove wa tuma olomunga viove kupãla,
Kuenje ove wa lokila Vonjembo.*
10 Ove wamamako oku kuama olonjila viove vialua,
Pole, kua popele hati: ‘Ka kuli elavoko!’
Ove wa kuata vali ongusu.
Eli olio esunga lieci ku liwekelapo.*
11 Helie ove wa kuatela usumba loku u yokokela
Okuti wa fetika oku kemba?+
Ove kua njivalukile.+
Kua ci kapeleko.+
Siti ndamamako oku ũha loku kala ocipãla?*+
Omo liaco, kua ñuatelele usumba.
12 Ame ndi ka situlula ‘esunga’ liove+ kuenda ovopange ove,+
Kuenje ovio ka vi ka kuata esilivilo kokuove.+
13 Eci ove o kaluka oku pinga ekuatiso,
Oviteka viove wongolola ka vi ka ku yovola.+
Ofela yimue yi ka vi ambata viosi kupãla,
Efuimo liaño li ka vi ambata kupãla,
Pole, una o sanda ocitililo kokuange o ka piñala ofeka
Kuenda o ka tambula ocipiñalo cimue komunda yange yi kola.+
14 Kuenje ku ka popiwa hati: ‘Pangi, pangi etapalo limue! Pongiyi onjila!+
Upi ovilondokua viosi vonjila yomanu vange.’”
“Ame nda tunga kocitumãlo cimue ca lepa haico ci kola,+
Pole, nda tungavo la vana va talisiwa ohali kuenda vana va lekisa ocituwa coku liketisa,
Loku kavuluisa vana va kuete ocituwa coku liketisa
Kuenda oku kavuluisa utima wa vana va kasi oku talisiwa ohali.+
16 Momo si ka tamalãla lavo otembo ka yi pui,
Ale oku amamako oku va kuatela onyeño;+
Momo omanu va pondola oku hongua* mekonda liange,+
Kumue lovinyama vi fuima nda lulika.
17 Nda kuata onyeño omo liekandu liaye lioku sanda onganyu yevĩho,+
Omo liaco, ndo yambula, nda salamisa ocipala cange kuenje nda kuata onyeño.
Pole, eye wamamako oku enda ndukuesino,+ poku kuama onjila yutima waye.
18 Nda mola olonjila viaye,
Pole, ame ndi ko kayisa+ kuenda ndi ko songuila+
Kuenje ngeca* vali elembeleko kokuaye+ kuenda ku vana va lilila kumue laye.”+
19 “Ñasi oku sovola olondaka viesivayo.
Ndi ka eca ombembua ka yi pui ku una o kasi kupãla kuenda ku una o kasi ocipepi,”+ oco Yehova a popia,
“Kuenje ndi ko sakula.”
20 “Pole, olondingaĩvi vi kasi ndokalunga ka tema okuti ka ka tulumũha,
Kuenda ovava aco amamako oku inasi ovikũla vio vokalunga kuenda olonata.
21 Ka kuli ombembua kolondingaĩvi,” oco Suku yange a popia.+