Olosamo
Kusongui wolonjimbi; elaka liaco Yedutunu.*+ Osamo ya Daviti.
Ndi ka lava omẽla wange poku u munĩha+
Osimbu ondingaĩvi yimue yi kasi kovaso yange.”
2 Nda kala ocitende kuenda ndohĩle;+
Sia vanguile ndaño muẽle ceci catiamẽla kueci ciwa,
Pole, evalo liange lia luile calua.*
3 Utima wange wa kala oku pia.
Osimbu nda kala oku sokolola, nda kala oku taima ndondalu.
Kuenje nda popia siti:
4 “A Yehova, ndi kuatise oku kũlĩha lipi li ka kala esulilo liange,
Kuenda etendelo lioloneke viange,+
Oco ndi kũlĩhe okuti omuenyo wange umbumbulu.
5 Ove wa nyĩha lika otembo yimue yitito yoku kala komuenyo;+
Otembo ndi kasi lomuenyo, kokuove yi kasi ndu okuti hacimueko.+
Ocili okuti, omunu wosi ndaño o sima okuti wa kolapo, pole, o kasi ndefuimo liaño.+ (Sela)
6 Ocili okuti, omuenyo womunu u pita ndulembo.
Eye o lupukila kolonele viosi* elivova.
Eye ongolola ovokuasi, pole, ka kũlĩhĩle omunu o ka siala lao.+
7 A Yehova, nye ndi pondola oku lavoka?
Ove lika vulavoko liange.
8 Ndi popele kakulueya ange osi.+
Ku ka ecelele okuti ndi sepuiwa leveke.
10 Njupe ekangiso* liove.
Ame nda kava omo eka liove lia mbeta.
11 Ove o pindisa omunu leyambulo lieko liaye;+
Ove o lia ovina eye a sole calua ndeci ombunji yi linga.
Ocili okuti, omunu wosi o kasi ndefuimo liaño.+ (Sela)
12 A Yehova, yevelela ohutililo yange,
Yevelela oku liyula kuange kuoku pinga ekuatiso.+
Ku ka likale asuẽlẽla ange.
Momo kokuove ame ndicingendeleyi,+
Ndimunu umue o linga ungende okuti, o pita ombamba nda vakukululu yange vosi.+
13 Tindula kokuange oku vanja kuove kuonyeño, oco ndi kuate vali esanju
Osimbu sia file.”