Olosamo
Kusongui wolonjimbi; elaka liaco “Osonge Yomẽle.”* Osamo ya Daviti.
22 A Suku yange, a Suku yange, momo lie wa njandulukila?+
Momo lie o kasilili ocipãla poku mopela,
Ocipãla loku liyula kuange kuohali?+
2 A Suku yange, ndi amamako oku ku vilikiya vokuenda kutanya kuenda kuteke;+
Pole, ove ku ndi tambulula.
5 Ovio via enda oku kalukila kokuove kuenje via popeliwa;
Ovio via kolelele kokuove kuenje ka via kutisiwile osõi.+
6 Pole, ame ndipuka limue, simunuko,
Ndi pembuiwa loku sepuiwa lomanu.+
7 Vosi vana va ndi vanja va ndi yola epembe;+
Ovo vamamako oku yola epembe kuenda va puka puka ovitue viavo locenyo vati:+
8 “Eye wa kolela ku Yehova. Eye o yovole!
Eye o popele, momo o soliwe calua Laye!”+
9 Ove Una wa njupa vimo lia ina yange,+
Haive Una wa lingisa okuti ndi kolapo eci ina yange a kala oku ndi nyamisa.
10 Ame nda kundikiwa kokuove* tunde koku citiwa kuange;
Tunde vimo lia ina yange ove wa siata oku kala Suku yange.
13 Ovanyãli vange va yikuila omẽla wavo kokuange+
Ndohosi yimue yi koma yi nyanyõla ocinyama ya kuata.+
14 Ndi pesiwa ndovava;
Akepa ange osi a litepa tepa.
15 Ongusu yange ya kukuta ndocimuanyũila cotuma;+
Elimi liange li lamelẽla volombanjo viange;+
Ove o ndi tuala kocitunu oco ndi fe.+
16 Momo olombua vi ndi ñuala;+
Ovio vi ndi ñuala ndocimunga colondingaĩvi,+
Ndeci ci kasi ohosi, ovio vi kasi oku katukila ovaka ange kuenda olomãhi viange.+
17 Ndi pondola oku tenda akepa ange osi.+
Ovo va ndi vanja loku ndi luluvala.
19 Pole, ove A Yehova, ku ka kale ocipãla.+
Ove wungusu yange; yayulako oku ndi kuatisa.+
20 Mopele kosipata,
Yovola omuenyo wange uwa kakasa* olombua;+
21 Mopele komẽla wohosi+ kuenda kolombinga violongombe viovusenge;
Tambulula kuenda mopele.
23 Ene wa sumbili Yehova, u sivayi!
Ene acitumbulukila* cosi ca Yakoba, u wĩhi ulamba!+
U sumbili ene acitumbulukila* cosi ca Isareli.
24 Momo eye ka pembuile ndaño oku sepula ohali ya una o talisiwa ohali;+
Eye ka vundisile ocipala caye ku una o talisiwa ohali.+
Eci eye a liyula oku pinga ekuatiso kokuaye, eye wa yeva.+
25 Ndi ka ku sivayela vekongelo linene;+
Ndi ka feta olohuminyo viange kovaso ya vana vo sumbila.
Sanjukili omuenyo* otembo ka yi pui.
27 Omanu vosi va tunda kasulilo o kilu lieve va ka ivaluka loku tiuka ku Yehova.
Apata osi olofeka a ka kekamẽla kovaso yove.+
28 Momo Yehova eye Soma;+
Eye o viala olofeka.
29 Olohuasi* viosi vio kilu lieve vi ka lia kuenda vi ka kekama;
Vosi vana va lokila koneketela va ka kekamẽla kovaso aye;
Lomue pokati kavo o pondola oku teyuila omuenyo wavo.
30 Ovitumbulukila* viavo vi ko vumba;
Ocitumbulukila ci laika oku iya ci ka yeva eci catiamẽla ku Yehova.
31 Ovo va keya loku sapula esunga liaye.
Ovo va ka sapuila omanu va laika oku citiwa ovina eye a siata oku linga.