Isaya
Luwalo wekemãlo,
O kasi oku enda lunene walua?
“Ame Una o vangula eci ca sunguluka,
Una o kuete unene walua woku yovola.”
2 Momo lie uwalo wove wa kusukila,
Kuenda momo lie ovowalo ove a lisokela luwalo wukuakukosa ayuva? +
3 “Nda kosa lika wange ocikoselo ca yuva.
Lomue pokati komanu wa kala lame.
Ndamamako oku kosela ovanyãli vange vonyeño yange,
Kuenda oku va nyanyuila vonyeño yange.+
Ovowalo ange a yukisiwa losonde yavo,
Kuenda nda silĩsa uwalo wange wosi.
4 Momo eteke liefetuluinyo li kasi vutima wange,+
Kuenda unyamo woku yovola omanu vange wa pitĩla.
5 Nda vanja, pole, ka kua kaile laumue o kuatisa;
Nda komõha momo lomue wa kuatisa.
7 Ndi ka tukula ovilinga via Yehova viocisola ka ci pongoloka,
Ovilinga viesivayo via Yehova,
Omo liovina viosi Yehova a tu lingila,+
Omo liovina vialua viwa a lingila onjo ya Isareli,
Ndomo ci likuata lohenda yaye kuenda ocisola caye ca piãla haico ka ci pongoloka.
8 Momo eye wa popia hati: “Ocili okuti, ovo omanu vange, omãla vamue ka va ka lekisa ekambo liekolelo.”*+
Omo liaco, eye wa linga Upopeli wavo.+
9 Vokuenda kuohali yavo yosi, eye wa talavo ohali.+
Kuenda omunga* yaye muẽle ya va popela.+
Locisola caye kuenda ocikembe eye wa va yovola,+
Kuenje eye wa va tikula kuenda wa vambata vokuenda kuanyamo aco osi.+
10 Pole, ovo va sina+ kuenda va sumuisa espiritu sandu.+
11 Kuenje ovo va ivaluka oloneke viosimbu,
Oloneke via Mose ukuenje waye kuenda vati:
“Pi pa kasi Una wa vopa vokalunga+ langombo vocunda caye?+
Pi pa kasi Una wa kapa vokuaye lespiritu sandu Liaye,+
12 Una wa lingisa okuti eka Liaye li komõhisa li songuila eka liondio lia Mose,+
Una wa tepa ovava kovaso avo+
Oco a li lingile onduko yimue yi kala otembo ka yi pui,+
13 Una wa va endisa vovava alua,*
Oco ovo va endelemo okuti ka va lilondoka,
Ndokavalu kamue ka endela vekalasoko?
14 Ndeci ocunda ci lokila vocimbota co vetapi,
Espiritu lia Yehova lia va puyuisa.”+
15 Vanja vemẽhi oku upisa kilu kuenda tala
Oku upisa kocitumãlo cove ca lepa ci kola haico culamba.*
Ovio via nimilĩwa.
16 Momo ove vu Isietu;+
Ndaño okuti Avirahama ka tu kũlĩhĩle
Kuenda Isareli ka tu limbuka,
Ove, A Yehova vu Isietu.
Onduko yove, oyo Epopelo Lietu tunde kosimbu.+
17 Momo lie, A Yehova, ecelela* okuti tu yapuka volonjila viove?
Momo lie o tĩlisila* ovitima vietu oco ka tu ka ku sumbile?+
Tiuka omo liakuenje vove,
Ovikoti viocipiñalo cove.+
18 Omanu vove va kola va ci piñala votembo yitito.
Ovanyãli vetu va kosa ocitumãlo cove ci kola.+
19 Vokuenda kuotembo yalua, tua kala ndomanu kua la viala,
Nda vana ka va la vilikiyiwa londuko yove.