Ombembua Yoluali Luosi Pi Yitunda?

ELONGISO kuenda atavo akasi okulisandula, akanena hẽ ombembua voluali luosi? Eyi onjoi ya Ndotolo Robert Muller, oñuatisi yatete yusonehi wolo Nações Unidas okuti watambula onima Yelongiso Liombembua ko UNESCO kunyamo wo 1989. Ndomo capopiwa vukanda wasapulo utukuiwa okuti The Vancouver Sun, Ndotolo Muller, “watavisa oluali luosi okuti olondonge te vilongisiwa ocili catiamẽla kovina viosi kuenda esilivilo lioluali luetu, ndeci okukala ciwa lomanu kuenda valikandangiya ungangala.” Eye wakuliha okuti kukeya eteke okuti ovisoko viosi vielongiso vikalongisa kamãlẽhe okuti o ONU oyo lika yikanena ombembua. Ukanda wasapulo utukuiwa okuti Sun, walombolola hati eye otavavo okuti “atavo osi akasi voluali akuete okutiamẽla ko ONU ndocisoko citukuiwa okuti Atavo Alitokeka.” Noke wamisako hati, “atavo osi ka akalongisa vali unganangala.”

Voluali mukeya muẽle ocili ombembua? Ohuminyo yavelapo! Ombembua kayikaneniwa lovisoko viomanu. Vanyamo 2.700 apita, usonehi eci alimbuka ono yavelapo kelilongiso liombembua wapopele hati ava vasunguluka citava okuti “va longisiwa la Yehova,” kuenda vakakuata ombembua ‘yalua.’−Isaya 54:13.

Embimbiliya lipopia okuti, Suku eye lika ‘eca ombembua.’ (Va Roma 16:20) Kaliye ulala wovipama vielilongiso voluali luosi, ukasi okuendisiwa ndomo Yehova alongisa omanu vaye okuti ‘vasande ombembua kuenda vayilandula,’ kuenje ‘vatela olosipata viavo ha vilinga atemo olosaluwa,’ kuenda “ovita ka va vi lilongisa vali.”−1 Petulu 3:11; Isaya 2:2–4.

Efendelo lisangiwa vocili, liyovola kombambe lokuhembi, liataviwa la Suku kuenda liasumuluisiwa laye. (Mateo 15:7–9; Yoano 4:23, 24) Efendelo liocili, lilitava Londaka ya Suku, lipondola okulongisa omanu vakasi lombembua okuti valitokeka kuenda valikuetele ocisola pokati.−Yoano 13:35.

Oco okulihe vali eci catiamẽla kueci cipopia Ondaka ya Suku yilongisa ombembua, tukulaleka oco osandiliye asonehi vasandeka ukanda owu wasapulo.