Ombembua Yoluali ci Tava Ndati?
Ombembua yoluali yi kasi ocipepi? Valua va ci longisa ale pole kaliye va kasi ndu va pata. Ndeci esapulo li lombolola akatanga kovaso yoloneke vietu, lia sandekiwa lo Daily Mail & Guardian yoko África do Sul okuti “ovisimilo viocikundi cimue cokaliye coluali luosi ca kapiwako lika tunde 10 kalima konyima kaliye ci molẽha okuti ci kuete esilivilo li tito.”
Asonehi va sokolola kespiritu lielavoko lia velapo lia kala lika vekui lialima konyima. Uyaki u tukuiwa okuti Guerra Fria wa pua ale, kuenje ovoyaki olofeka vinene ka kuli vali. Eci ca molẽha ceci okuti eci ca tukuiwile okuti uvo wokaliye okuti wa totomẽla kuenje valua va kevelile okuti omanu kaliye citava oku fetika oku amamako kekalo liwa poku mãlako uhukui, lovoveyi, kuenda vakua ku teyuila ofela tu fuima. Esapulo lia linga hati, “ovisimilo ovio via molẽha okuti ka vi kuete esilivilo.” Ovoyaki okaliye afetika kolonepa kuna kua ku tilila oku sima okuti kuiya ovitangi; kuenje uhukui voluali ukasi loku amamako. Kuli olofeka vivali viokaliye lepondolo liovota anene voluali. Ekalo lio ONU lia siata oku lavisiwa enene mekonda ka yi kuete epondolo lioku tangulula ciwa ovitangi viohali yomanu. Ocituwa ca siata oku pongoluiwa oku litatombola.”
Ava va lilongisa Embimbiliya va limbuka okuti alikolisilo omanu, ndaño muẽle awa calua, ka a kuata etundilo liwa. Momo lie sio? Momo, Embimbiliya liti: ‘Oluali luosi lu kasi povaka Eliapu.’ (1 Yoano 5:19) Osimbu lu kasi vemẽhi lia Satana oluali ka lu pondola oku pongoluiwa Oluali Luokaliye ndekalo Suku a lu pangele.
Handi, kuli ono ya koleliwa. Yehova Suku wa likuminya oku nena ombembua yoluali, ha yoku likembisako ndeci oluali lulo, pole oku eca muẽle ‘oluali luokaliye’ muna mu ka “kala esunga.” (2 Petulu 3:13) Ocili, pokati Kusoma wa Suku, oluali luetu lu ka pongoluiwa oku kala luombembua, onjo yesanju, muna okuti omuenyo kuenda upange vi ka kala esanju lienda hu komanu vosi va pokola. Handi vali, Suku wa likuminya oku “puenya asuelela osi kovaso avo. Okufa ka ku kalako vali, ndaño oku lila loku liyula lupongo laviovo ka vi kalako vali.” Olohuminyo evi ka via kunamẽlele kesanda liovisimilo viomanu. Puãi ovio via kunamela Vondaka Yululiki okuti ka yi ponyi, una ka kembi.−Esituluilo 21:4; Tito 1:2.