“Olombole Vitotiwa Lekamba”

Upostolo Paulu wa limbuka sukila liokueca olonumbi vimue Kakristão kocita catete vo ko Galatia. Omo liaco, loku livangako kueci catiame?la koku kala locikumbiti kutima, eye wa pula hati: “Oco he?, nda linga unyali wene omo ndo sapuili eci cocili?”—Va Galatia 4:16.

Paulu ka kaele unyali wavo omo ‘lioku vangula ocili.’ Ocili, eye wa kala loku linga eci ci litava lovihandeleko Viembimbiliya okuti: “Olombole via totiwa [lekamba] via sunguluka.” (Olosapo 27:6, Versão Rei Jaime) Eye wa kulihile okuti epela liomunu wa linga ekandu li pondola oku kala evalo. Handi vali, eye wa limbukile okuti okuti oku lembua oku eca epindiso kondingekandu eci eye asukila, cimue okuti ci pondola oku tuala koku likala oku lekisa ocisola ca Yehova Suku. (Va Heveru 12:5–7) Kuenje, ndekamba limue lia koleliwa okuti okuetele onjongole yovutima ekongelo, Paulu ka tiukilile konyima kueci catiamẽla koku eca elungulo liepindiso.

Oloneke vilo, Olombangi via Yehova vi kasi oku tẽlisa ocikundi cavo coku ‘tavisa olofeka viosi oco va linge olondonge. . . loku va longisa oku linga ovina viosi [Yesu Kristu] o kundiki.’ Loku linga ndoco, Akristão vaco ava vocili ka va tombele ocili Cembimbiliya ci situlula kuenda ci pisa alongiso esanda lovituwa okuti haviakristão. (Mateo 15:9; 23:9; 28:19, 20; 1 Va Korindo 6:9, 10) Ovo Ka va lingile anyali vamue okuti ka va taviwa lomanu, pole va lekisa onjongole yukamba wocili.

Suku wa fuimila olondunge ukualosamo oku soneha hati: ‘Nda ukuesunga o natula kokuange cikala ndohenda; nda o njambula cikala ndulela wa wavekiwa kutue wange, okuti ka u likali, NW.’—Osamo 141:5.