Wa Ci Kũli̇̃ha?
Nye ci lomboloka ‘alinya a kusuka’ a tukuiwa kelivulu Lietundilo?
▪ Ndomo ca lekisiwa vulandu Wembimbiliya, olonanga viombalaka vina via tungiwile ndovimano kuenda ombundi yotavernakulu, yina ya kala ocitumãlo cefendelo ko Isareli yosimbu, via enda oku pangiwa “lalinya onoloti la a vumbula la a kusuka.” (Etundilo 26:1; 38:18) “Uwalo u kola” wovitunda, wa enda oku tungiwavo ‘lalinya a kusuka.’—Etundilo 28:1-6.
Alinya a kusuka ana a tukuiwavo hati, kerme a kala o tinda yimue yeca evala li kusuka ale liohusu. O tinda yaco ya enda oku upiwa kolomange viapata ovipuka vimue vi tukuiwa hati, Coccídeos. Ovipuka viaco vi tunda voviti vimue vi tukuiwa hati, carvalho-quermes (ale Quercus coccifera) vi kasi ko Oriente Médio kuenda Konele Yokalunga ko Mediterrâneo. O tinda yaco yohusu, yi sangiwa vasala ovipuka viaco. Nda ocipuka caco ci kuete asala, etimba liaye li lisetahãla ndolumema luonjuluviya kuenda ci lamẽlela kamẽla kuenda kovianja viuti waco. Noke yoku upiwa kamẽla aco loku vi sopola, vi kapiwa vovava kuenje ovava aco a kuata evala liohusu li sesamela oku kapiwa konanga. Ulume umue ukuasapulo kofeka yo Roma o tukuiwa hati Plínio, o Velho, wa tukulavo alinya a kusuka kuenda wa va tenda ndavala a velelepo a kala koloneke viaye.
Velie asonehi Vovisonehua vio Helasi va kala ko Pendekoste yunyamo wo 33 N.Y.Y.?
▪ Pokati keci ci soka alume ecelãla va soneha Ovisonehua viaco, citava okuti pa kala lika epandu.
Ndomo ca lomboluiwa vulandu welivulu Liovilinga, Yesu wa handeleka olondonge viaye hati: “Ko ka tundi ko Yerusalãi, puãi talameli ohuminyo ya Isia.” (Ovilinga 1:4) Ulandu waco u lombololavo okuti asonehi vamue Vembimbiliya ndeci, Mateo, Yoano, kuenda Petulu, va pokola konumbi yaco kuenje “va kala vosi kumuamue” lolondonge vikuavo. Vamanji vakuavo va Yesu va kalapovo. (Ovilinga 1:12-14; 2:1-4) Vakuavo vavali okuti Tiago la Yuda, veya oku sonehavo alivulu avali Embimbiliya va tukuiwa lolonduko viavo.—Mateo 13:55; Tiago 1:1; Yuda 1.
Marko Vevanjeliu liaye wa tukula umalẽhe umue wa tila kuteke eci Yesu ambatiwa lovanyali. Citava okuti Marko wa litukula eye muẽle momo vuteke waco olondonge viosi via yandulukile Yesu. (Marko 14:50-52) Omo okuti, Marko wa kala umue pokati kolondonge viatete via Yesu, citava okuti wa kalavo keteke lio Pendekoste.
Asonehi vakuavo vavali vovisonehua vio Helasi okuti ka va kalepo, Paulu kuenda Luka. Ko Pendekoste yunyamo wo 33 N.Y.Y, Paulu handi ka kaile ondonge ya Kristu. (Va Galatia 1:17, 18) Luka citava okuti ka kailepo, momo ka litukuile ‘ndombangi’ yupange wa Yesu woku kunda.—Luka 1:1-3.
[Elomboluilo lielitalatu kemẽla 20]
Ovipuka via enda oku Pongiyiwa oco vi Linge Otinda
[Elomboluilo lielitalatu kemẽla 20]
Courtesy of SDC Colour Experience (www.sdc.org.uk)
[Elomboluilo lielitalatu kemẽla 20]
[Elomboluilo lielitalatu kemẽla 20]
Petulu kohundo yo pendekoste ya 33 N.Y.Y.