Voluali luokaliye mu ka kala lika omanu vana va ka puluka koloneke via sulako
Nye Embimbiliya Li Popia?
Tu kasi hẽ “koloneke via sulako”?
O pondola oku popia hati?
Oco
Sio
Pamue
Ceci Embimbiliya li popia
“Koloneke via sulako kuiya ohali yalua.” (2 Timoteo 3:1) Ocitumasuku Cembimbiliya ci li kuata lovina vi kasi oku pita voluali kuenda ci situlula otembo tu kasi okuti, “oloneke via sulako.”
Ovina vikuavo tu pondola oku lilongisa Vembimbiliya
Koloneke via sulako ku ka kala uyaki, onjala, ovilemawe kuenda ovovei a koka olofa.—Mateo 24:3, 7; Luka 21:11.
Vokuenda kuoloneke via sulako, omanu va ka kuata ovituwa ka via sungulukile kuenda ka va ka lekisa ekolelo.—2 Timoteo 3:2-5.
Nye omanu va lavoka kovaso yoloneke?
Omanu vamue va popia . . . okuti oloneke via sulako vi ka sulila voku nyõliwa kuongongo kumue lovina viosi, kuenda vakuavo va lavoka okuti ekalo lioluali li ka pongoloka. Nye o sima?
Ceci Embimbiliya li popia
“Olondingesunga vi piñala ofeka, vi tungamo oloneke ka vi pui.”—Osamo 37:29.
Ovina vikuavo tu pondola oku lilongisa Vembimbiliya
Oloneke via sulako vi ka sulila voku malako evĩho liosi.—1 Yoano 2:17.
Ongongo yi ka pongoluiwa ocumbo celau.—Isaya 35:1, 6.