Kala Oñuatisi Yiwa Poku Kundila Konjo Lanjo

1. Ekuatiso lipi li tunda koku talavaya la umue manji kupange woku kunda?

¹ Vepuluvi limue, Yesu wa nõlele 70 kolondonge viaye, kuenje, “wa va tuma vavali, vavali.” (Luka 10:⁠1) Esokiyo liaco, lia ecelela olondonge viaye oku li kuatisa pokati, loku li pamisa osimbu va kala oku kunda. Eci tu enda kupange woku kunda la umue manji, tu li kuatisa ndati pokati?

2. Momo lie tu sukilila oku yevelela lutate eci manji o talavaya laye kupange woku kunda a sapela lomunu umue?

² Poku Yevelela: Yevelela lutate ndomo manji o talavaya laye kupange woku kunda a sapela lomunu umue. (Tia. 1:​19) Nda eye wa pinga oku tanga ocisonehua cimue, kuamavo Vembimbiliya liove. Yevelelavo eci manji o talavaya laye kupange woku kunda a vangula, ale omunu wa sangi. Nda wa yevelela lutate kombangulo, ci vetiya omunu wa sangi oku ci lingavo.

3. Vepuluvi lipi manji wa enda letu kupange woku kunda a sukila ekuatiso lietu?

³ Tu Kũlĩhĩsi Epuluvi tu Sukila Oku Vangula: Nda manji wa enda letu kupange woku kunda o kasi oku sapela lomunu umue, tu sukila oku lekisa esumbilo poku ecelela okuti, amamako lombangulo yaye. (Va Rom. 12:​10) Tu sukilavo oku yuvula oku teta kondaka. Nda manji wa enda letu kupange woku kunda wa ivalako ombangulo a kala oku popia, ale omunu tua sanga wa votola ondaka yimue okuti manji o sukila ekuatiso lietu, tu kuete oku tuihinya lombangulo yaco, pole, tu yuvuli oku tehẽla kombangulo yikuavo. (Olosap. 16:23; Uku. 3:​1, 7) Poku eca ekuatiso lietu, tu sukila oku popia olondaka vi likuata luvangi u kasi oku eciwa.​—⁠1 Va Kor. 14:⁠8.

4. Nye ci pondola oku tu nelela esanju lonima yiwa kupange woku kunda?

⁴ Eci ekũi lepanduvali kolondonge via tiuka kupange wavo woku kunda, ‘vieya lonjolela.’ (Luka 10:​17) Tu pondolavo oku kuata esanju lonima yiwa kupange woku kunda, nda tua yevelela lutate, kuenda tua kũlĩhĩsa olondaka tu popia, eci tu eca ekuatiso ku manji wa enda letu kupange woku kundila konjo lanjo.