Asapulo

◼ Alivulu a ka eciwa. Enyenye Linene kuenda Mbalavipembe: Olorevista Utala Wondavululi kuenda o Despertai! Poku linga epasu komunu o lekisa onjongole, eca elivulu Embimbiliya li Lilongisa ale eca olombrochura Yevelela Suku ale Yevelela Suku Kuenje Kala Otembo ka yi Pui. Likolisilako oku fetika elilongiso Liembimbiliya kepasu liatete. Kuvala kuenda Cembanima: Akundi citava oku eca olotratadu vimue ndevi: Ohali Yosi Ndopo yi Pua!. Ove hẽ o Yongola Oku Kũlĩha Ocili? Nda wa sanga omunu o lekisa onjongole, fetika laye elilongiso Liembimbiliya poku u lekisa elivulu Embimbiliya li Longisa ale yimue pokati kolombrochura Yevelela Suku ale Yevelela Suku Kuenje Kala Otembo ka yi Pui.

◼ Keteke 24 kosãi Yevambi yunyamo wo 2012, Vonjango Yusoma ko Betele mua lingiwila ocipito cocisoko 23 Cosikola Yembimbiliya ya Vamanji Alume ka va Kuelele. Tua sanjuka calua, omo okuti kua malusuiwa vali ocisoko cimue ca pindisa vamanji oco va talavaye kovikanjo vi kuete esukila lialua.

◼ Ohundo yilikasi yunyamo wo 2013 yi ka lingiwa vosemana 1 ya Kupupu, noke Yonjivaluko. Noke tu ka sapula osapi yaco. Akongelo ana a ka nyuliwa la mitavaso ale a ka kuata ohongele yimbo vosemana yaco, a ka linga ohundo yaco kosemana yi ka kuamamo. Akongelo ka a ka linge ohundo yilikasi, eci handi osemana 1 ya Kupupu ka ya pitilile.