Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi ya Mbalavipembe

“Valua va tava okuti Suku o ka sombisa omanu omo liovilinga viavo. Ove hẽ o sima okuti tu sukila oku lavoka lesanju Eteke Liesombiso ale oku kuatela usumba eteke liaco? [Ecelela etambululo.] Kũlĩhĩsa olondaka vi sangiwa pemẽla lilo.” Noke lekisa Utala Wondavululi wa Mbalavipembe-Cembanima komunu wa sanga kuenda konomuisa laye okasapi katete ka sangiwa kemẽla 16, locisonehua ca tukuiwa vokasapi kaco. Noke u wĩha orevista yaco kuenda linga eliangiliyo lioku tiuka oco vu konomuisi epulilo li kuãimo.

Utala Wondavululi Mba.-Cemb.

Tanga Osamo 65:⁠2. Noke popia ndoco: Omo “omanu valua va tava kolondaka viocinimbu eci viokuti, Suku eye ‘Ukuakuyeva olohutililo,’ oloneke viosi va likutilila kokuaye. Pole, omanu vakuavo va siata oku lipula ndoco: ‘Nda okuti kuli Suku, momo lie voluali mue yukila ovitangi?’ Nye o sima catiamẽla kondaka yaco? Anga hẽ kuli muẽle Suku? O sima hẽ okuti Suku wa siata oku yevelela olohutililo vietu? [Ecelela etambululo.] Noke popia ndoco: Lekuatiso Liembimbiliya, Utala ulo Wondavululi, weca etambululo kepulilo eli: ‘Momo lie Ukuakuyeva olohutililo a kasilili oku ecelela ohali?’”

Despertai! de Outubro

“Olonjali vialua, vi yongola okuti omãla vavo va kuata elilongiso liwa. Ove hẽ o sima okuti omãla vana va kuete elilongiso lia velapo va lipongiyila ciwa ovitangi vio koloneke vilo? [Ecelela etambululo.] Kũlĩhĩsa eci Embimbiliya li popia catiamẽla kesilivilo lioku kuata ukũlĩhĩso lolondunge. [Tanga Ukundi 7:12.] Orevista yilo, yeca olonumbi vitãlo vi pondola oku kuatisa omãla oku kuata onima yiwa kosikola.”