O Sukila hẽ Oku Lembuka Selo?

Akundi vamue, va kuete ocituwa coku lembuka kupange woku kunda kepuluvi limue va sokiya ndeci kelivala liekumbi pongunji. Citava okuti ekalo lia vamanji vamue li va kisika oku lembuka selo kupange woku kunda kepuluvi limue. Ove hẽ wa siata oku lembuka selo kupange woku kunda omo lioku limbuka okuti vakuene oco va siata oku linga, ale pocitumãlo cene wa sokiyi otembo yimue yoku lembuka kupange woku kunda? Anga hẽ o pondola oku talavaya vali akukutu amue poku kundila omanu volokololo? Poku tiukila konjo, o pondola hẽ oku nyula omanu vana wa sapela lavo konjanja yatete? Sokolola ovina viwa wa vangula lomunu wa lekisa onjongole wa sangele konjo, ale ndomo o ka eca olorevista komunu umue o pita ombamba! Nda ka tu lembuka lonjanga kupange woku kunda, tu vokiya ‘ocilumba cetu cesivayo.’—Va Hev. 13:15.