Wa Siata hẽ Oku Kũlĩhĩsa Emẽla Liasapulo Ekongelo?
Akulu vekongelo, oloñuatisi viekongelo kuenda vamanji vakuavo va kuete ovikele vekongelo, va sukila oku kũlĩhĩsa emẽla liasapulo ekongelo oco va tale nda va tambula ocikele cimue. Vamanji vosi vekongelo va pondola oku sanga vemẽla liaco asapulo a kuete esilivilo. Ove hẽ wa kũlĩha ale ocipo cove coku puenya Vonjango Yusoma? Anga hẽ mitavaso o nyula akongelo kuenda ofiliale va tumisa ukanda umue u kuete esilivilo vekongelo liene? Ove hẽ wa kũlĩha osapi yohundo yi ka lingiwa osemana yiya oco o laleke ondonge yove? Ekongelo liene li kuete esokiyo liolohongele viupange woku kunda, leli lioku kundila vovimunga? Omo okuti asapulo alua ka a lingiwa vali vokuenda kuolohongele, citava okuti akulu vekongelo ka va pondola oku sapuila ovina viosi komunu lomunu. Omo liaco, ci kuete esilivilo oku kũlĩhĩsa emẽla liasapulo ekongelo. Nda tua kuata ocituwa coku kũlĩhĩsa emẽla liasapulo ekongelo ‘ovina viosi via sokiyiwa vi ka lingiwa ciwa.’—1 Va Kor. 14:40.