Ovindekaise vi Kuamiwa

Oco tu Fetike Oku Longisa Omanu Embimbiliya Vocasapalo Catete Kosãi ya Susu

“Omanu valua va kuete ovisimĩlo via litepa viatiamẽla ku Suku. Vamue va sima okuti Suku ongusu yimue ka yi letiwe. Vakuavo va sima okuti eye Isia umue ukuacisola o kasi kilu. Kokuove, Suku o kasi ndati?” Ecelela etambululo. Lekisa emẽla lia sulako Liutala Wondavululi 1 ya Susu, noke kũlĩhĩsili kumosi ulandu vemẽhi liepulilo liatete, kuenda tanga ocinimbu Cembimbiliya ca tukuiwa. Eca kokuaye olorevista kuenda sokiya eteke lioku tiuka oco u kũlĩhĩsi epulilo li kuãimo.

Utala Wondavululi 1 Susu

“Tu kasi oku pasuisa omanu oco tu sapele lavo catiamẽla kocitangi cimue ci sakalaisa vosi yetu—okuti oku fa kuomunu umue tu sole. Ove hẽ, o tava okuti oku fa kuekamba limue ale umue ukuepata lietu, ocitangi cimue okuti ka ca lelukile oku liyaka laco? [Ecelela etambululo.] Omanu valua va sanga elembeleko kocinimbu eci Cembimbiliya. [Tanga Isaya 25:8.] Orevista yilo yi lombolola ohuminyo Yembimbiliya yi lembeleka, yatiamẽla kesulilo liolofa kuenda oku pinduiwa kua vangandietu va fa.”

Despertai! Janeiro

“O tava okuti koloneke vilo apata a kasi oku liyaka lovitangi vialua? [Ecelela etambululo.] Olusapo olu Luembimbiliya lu tu sapuila eci apata a sukila oku linga oco a pamisiwe kuenda oku kolapo. [Tanga Olosapo 24:3.] Valua va limbuka okuti Embimbiliya ono yolondunge vi pondola oku va songuila. Orevista yilo yi lombolola ono yimue yilikasi yo internet mu sangiwa olonumbi viakunamẽla Vembimbiliya vi pondola oku kuatisa apata.”