Ovindekaise vi Kuamiwa

Oco tu Fetike Oku Longisa Omanu Embimbiliya Vocasapalo Catete Kosãi ya Susu

“Tu yongola oku kũlĩha ocisimĩlo cove kepulilo eli. Ove hẽ wa kũlĩha onduko ya Suku? [Ecelela etambululo.] Kũlĩhĩsa olondaka tu tanga pemẽla lilo.” Lekisa komunu Utala Wondavululi 1 ya Susu kemẽla lia sulako kuenda konomuisili kumosi ocinimbu ci kasi vemẽhi liosapi yatete loku tanga ocisonehua cimue. Eca komunu Utala Wondavululi, kuenda linga esokiyo lioku tiuka oco vu konomuisi epulilo li kuãimo.

Utala Wondavululi 1 ya Susu

“Omanu valua, va siata oku vangula eci ca tiamẽla kesulilo lioluali. O sima hẽ okuti, tu sukila oku kuatela usumba esulilo lioluali? [Ecelela etambululo.] Ndomo ca lekisiwa palo, ku ka kala omanu va ka puluka. [Tanga 1 Yoano 2:17.] Orevista yilo, yeca atambululo Embimbiliya kapulilo akuãla a siata oku lingiwa lomanu a tiamẽla kesulilo lioluali.”

Despertai! de Janeiro

“Tu kasi oku pasuisa omanu loku va ĩha esapulo limue. O sima hẽ okuti, oku kapako olondaka via Yesu ci kuete esilivilo kapata? [Tanga Ovilinga 20:35b. Ecelela etambululo.] Omo okuti voluali lulo omanu valua va pitisa lika kovaso oku tẽlisa olonjongole viavo, ka ca lelukile oku longisa omãla vetu oco va kale vakuacali. Ocipama cilo, ceca olonumbi vimue vi kuatisa olonjali oku longisa omãla oku kapako vakuavo.”