Ulandu Wosemana ya 15 ya Yevambi
OSEMANA 15 YEVAMBI
Ocisungo 77 Lohutililo
Elilongiso Liembimbiliya Vekongelo:
cl ocip. 26 ¶1-9 (Akuk. 30)
Osikola Yupange Wakristão:
Oku Tangiwa Kuembimbiliya: 2 Samuele 22-24 (Akuk. 8)
No. 1: 2 Samuele 22:21-32 (ka yi ka pitahãle akukutu 3)
No. 2: Kaini—Osapi: Onjila Ndomo Tu Tava Kalungulo yi Situlula Ekalo Lietu—it-1 kem. 397 (Akuk. 5)
No. 3: Ocisola Kuenda Epokolo Vinena Esanju—igw kem. 22 ¶4-6 (Akuk. 5)
Ohongele Yupange:
Osapi Yosãi: “Ivaluki Kosiãhulu.”—Esin. 32:7.
Akuk 12: Ulandu Welie wa Tukuiwa Vembimbiliya o Sole Vali? Apulilo kuenda ohundo. Fetika loku pulisa omãla vavali ale vatatu. Ulandu welie wa tukuiwa Vembimbiliya va sole vali? Ndomo ci sangiwa Vembimbiliya nye omunu waco a linga? Va pondola ndati oku kuama ongangu yomunu waco? Amamako oku lombolola ndomo omãla va pondola oku kuatisiwa lotuikanda tu sangiwa vonumbi yetu yo jw.org. (Tala pokasapi hati: ALONGISO EMBIMBILIYA > OMÃLA.) Okokanda lokokanda mua kongela ulala u lekisa omanu va tukuiwa, omapa yi lekisa kovitumãlo va kala, otembo va kala komuenyo, kuenda apulilo atatu kumue latambululo atiamẽla kokuavo. Okokanda lokokanda ka pangiwila locimãho coku ka soleka. Vetiya olonjali kumue lomãla oco va talavaye ciwa lotuikanda tuaco, locimãho coku longisa omãla vavo catiamẽla “koloneke viosiãhũlu.”—Esin. 32:7.
Akuk 18: “Lilongisila Kakundi va Loñoloha.” Ohundo lapulilo amue kolonjeveleli. Noke yoku konomuisa ocinimbu cavali, laleka olonjeveleli oco vi lombolole ndomo va kuatisiwa poku talavaya lakundi va loñoloha kupange woku kunda.
Ocisungo 4 Lohutililo