Vepuluvi Lipi Ndi Pondola Oku Kala Ukundi Wasokamo?

Ocinjonde conembele Esekiele a mola, ci lekisa okuti afendeli va Suku va laikele oku eca ovilumba okuti ka va kisikiwa. Omunu lomunu pokati ketu o pondola ndati oku kuatisa vakuavo poku eca ovilumba viesivayo?—Va Hev. 13:15, 16.

Onjila yimue yiwa yoku ci linga, oku talavaya ndukundi wasokamo. Vunyamo wupange wo 2018 muli olosãi vialua okuti vi kuete Ovialumingu kuenda Oviasapalo vitãlo. Eci ci ka kuatisa vamanji vana va talavaya kupange woku sanda eteku vokuenda kuosemana yosi okuti va siata lika oku talavaya kupange woku kunda kasulilo osemana. Handi vali, akundi va kuete epuluvi lioku litumbika kupange wakundi va sokamo okuti va linga 30 ale 50 kolowola vokuenda kuosãi Yelombo leyi ya Kupupu kuenda osãi yina manji ukuakunyula akongelo, a nyula ekongelo.

Nye tu pondola oku linga nda ka tua tẽlele oku talavaya ndakundi vasokamo? Tu pondola oku likolisilako oku mioñola uloño wetu koku kunda ale oku vokiya upange wetu woku kunda. Ndaño okuti tu liyaka lovitangi ale sio, ocisola tu kuetele Yehova ci pondola oku tu vetiya oku likolisako vokuenda kunyamo wupange wo 2018!—Hos. 14:2.

TALA OVIDEO LOSAPI HATI: LEKUATISO LIA YEHOVA NDI PONDOLA OKU LINGA OVINA VIOSI KUENDA TAMBULULA APULILO AKUÃIMO:

• Nye ca kuatisa manji Sabina oku likolisilako kupange wa Yehova?

• Ulandu wa manji Sabina u ku vetiya ndati?

• Vokuenda kunyamo wupange wo 2018, volosãi vipi o pondola oku kala ukundi wasokamo?