Linga Esokiyo Lioku Vokiya Upange Woku Kunda
1. Tu lekisa ndati olopandu kotembo Yonjivaluko, kuenda tu lipongiyila ndati epuluvi liaco?
1 Unyamo lunyamo eci ku lingiwa Onjivaluko, ci tu ĩha epuluvi lioku ‘pandula Yehova.’ (Osa. 109:30) O ka vokiya hẽ upange wove woku kunda kosãi Yelombo ndonjila yimue yoku lekisa olopandu omo liombanjaile yocisembi? Yilo oyo otembo yoku fetika oku linga esokiyo.—Olosap. 21:5.
2. Ove kuenda vamanji vakuavo wa li yevi ndati omo lieliangiliyo lioku tepulula olowola vi kisikiwa kakundi vasokamo kosãi ya Kupupu yunyamo wa pita?
2 Ukundi Wasokamo: Unyamo wa pita vamanji vakongelo va sanjuka calua eci va yeva okuti kua lingiwa eliangiliyo lioku tepulula olowola vi kisikiwa kakundi vasokamo kosãi ya Kupupu. Manji umue ulume wa soneha ndoco: “Ndi kasi kosikola yelilongiso lia pita pokati, kuenda si tẽla oku talavaya ndukundi wavelapo. Pole ndi ka lisonehisa koku eca 30 kolowola, loku likolisilako oku tẽlisa 50 kolowola kosãi ya Kupupu.” Manji umue ukãi wa li tumbika kupange wotembo yosi wa soneha hati: “Oku tẽlisa akũi atatu kolowola ca leluka calua!” Eci esokiyo liaco lia sapuiwa manji umue wa talavayele ndukundi wa velapo okuti cilo o kuete 80 kanyamo wa popia hati: “Eli epuluvi limue nda kala oku lavoka! Yehova wa limbuka okuti oku talavaya ndukundi wavelapo oco ca kala ocina ca velapo komuenyo wange!” Vamanji vakuavo okuti hakundiko vasokamo va linga esokiyo lioku vokiya upange woku kunda.
3. Esunga lie tu kuete lioku talavaya ndakundi vasokamo vosãi Yelombo, Kupupu kuenda Kupemba?
3 Osãi Yelombo yi ka kala epuluvi liwa lioku talavaya ndukundi wa sokamo, momo tu ka nola vali nda tu eca 30 ale 50 kolowola. Handi vali, oku upisa Kocasapalo 17 yosãi Yelombo, tu ka fetika upange ulikasi woku eca otuikanda tuokulaleka omanu oco va kale letu Konjivaluko keteke 5 ya Kupupu. Valua va ka sanjukila oku vokiya upange wavo woku kunda poku talavaya vali ndakundi vasokamo kosãi ya Kupupu kuenda ya Kupemba okuti va eca 50 kolowola via kisikiwa.
4. Tu vokiya ndati upange woku kunda, kuenda ci nena onima yipi?
4 Kuteke Wefendelo liene Liepata koñolosi, momo lie vepata ka vu sapelela ndomo omunu lomunu a pondola oku vokiya upange waye woku kunda votembo Yonjivaluko? (Olosap. 15:22) Pingi ku Yehova oco a sumũluise alikolisilo ene. (1 Yoa. 3:22) Oku vokiya upange wove woku kunda, ka ci lekisa lika olopandu viove ku Yehova, pole ci vokiyavo esanju liove.—2 Va Kor. 9:6.