O Kasi hẽ Oku Kuatisiwa Lokalivulu Losapi Hati, Konomuisa Ovisonehua Eteke Leteke?

Anga hẽ wa siata oku konomuisa ocisonehua Ceteke vokalivulu Konomuisa Ocisonehua Eteke Leteke? Nda kua siatele oku ci linga, anga hẽ citava okuti o linga esokiyo liaco? Valua va siata oku konomuisa ocisonehua lomẽle oco va sokolola kocisonehua caco eci va linga ovopange avo vokuenda kueteke. (Yeh. 1:8; Osa. 119:97) O pondola oku kuatisiwa ndati Locisonehua ceteke? Tanga onepa kua kunamela ocinimbu Cembimbiliya oco o limbuke ulandu waco. Sokolola kulandu umue Wembimbiliya u lekisa onumbi ya tukuiwa vocisonehua. Noke kapako onumbi yaco komuenyo wove. Nda okuti Ondaka ya Suku yi songuila onjila o nõla, ci ka ku kuatisa komuenyo wove.—Osa. 119:105.

Epata lio Betele koluali luosi, lia siata oku konomuisa Ovisonehua Eteke Leteke noke liongau komẽle. Kanyamo a sulako, vialua pokati kolohundo viaco via siata oku kapiwa vo JW Broadcasting^® ponepa OLOHUNDO KUENDA OLOHONGELE VILIKASI. Onjanja yipi ya sulako wa yevelela yimue pokati kavio? Citava okuti ulandu waco owo wa sukilile. Ndeci, ulandu wa Lote u ku kuatisa ndati konjila o yongola oku nõla?

TALA OVIDEO LOSAPI HATI, KO KA SOLI OLUALI (1 YOA. 2:15) KUENDA TAMBULULA APULILO AKUÃIMO:

• Ocisonehua cipi kua kunamẽla Efendelo Liomẽle?

• Ulandu wa Lote u tu longisa nye catiamẽla kohele yoku sola oluali ale ovina vi kasimo?—Efet. 13:12; 14:12; 19:3, 12, 13, 24-26

• Tu lekisa ndati okuti tu sole Yehova okuti oluali ale ovina vi kasimo havioko?