29 YEVAMBI LINENE–4 YENYENYE
OLOSAMO 69
Ocisungo 13 Lohutililo | Olondaka Vioku Fetika (Ekuk. 1)
1. Ndomo Ovolandu Atiamẽla Komuenyo wa Yesu a Tukuiwa Kolosamo 69
(Akuk. 10)
Yesu wa suvukiwile ndaño ka kua kaile esunga liaco (Os 69:4; Yoa 15:24, 25; w11 15/8 kem. 11 ocin. 17)
Yesu wa kuatelele ombili onjo ya Yehova (Os 69:9; Yoa 2:13-17; w10 15/12 kem. 8 ocin. 7-8)
Yesu wa yeva evalo lialua omo liohali a tala kuenda vo wĩha ovinyu ya tengiwa lovikũla vi lula (Os 69:20, 21; Mat 27:34; Luk 22:44; Yoa 19:34; g95 22/10 kem. 31 ocin. 4; Perspicaz-2 kem. 660)
EPULILO LIOKU SOKOLOLA: Momo lie Yehova a kongelela ovitumasuku viatiamẽla ku Mesiya Vovisonehua vio Heveru?
2. Ovina vi Sangiwa Vembimbiliya
(Akuk. 10)
Os 69:30, 31—Ovinimbu evi vi tu kuatisa ndati oku mioñolola olohutililo vietu? (w99 1/2 kem. 16 ocin. 11)
Atosi api wa sanga koku tangiwa Kuembimbiliya vosemana yilo o yongola oku tu sapuilako?
3. Oku Tangiwa Kuembimbiliya
(Akuk. 4) Os 69:1-25 (Oku Longisa, etendelo 2)
4. Poku Lekisa Epandi—Ceci Yesu a Linga
(Akuk. 7) Ohundo lapulilo amue kolonjeveleli. Lekisa OVIDEO, kuenda lombolola ocipama 8 combrochura Sola Omanu, etosi 1-2.
5. Poku Lekisa Epandi—Setukula Yesu
(Akuk. 8) Ohundo lapulilo amue kolonjeveleli ya kunamẽla vombrochura Sola Omanu, ocipama 8 etosi 3-5 kuenda onepa “Talavo.”
Ocisungo 134
6. Vievi vi Sukiliwa Vekongelo
(Akuk. 5)
7. Olonumbi Vioku Linga Efendelo Liepata
(Akuk. 10) Ohundo lapulilo amue kolonjeveleli.
Kosãi ya Susu yunyamo 2009, elilongiso Liembimbiliya Vekongelo lia kongeliwa kohongele Yosikola Yupange Wakristão kuenda Kohongele Yupange, oco yi kale lika ohongele yimosi yovokati kosemana. Eci ci kuatisa apata oku linga efendelo liavo liepata, olosemana viosi. Valua va siata oku eca olopandu omo okuti eliangiliyo liaco, lia siata oku va kuatisa oku pamisa ukamba wavo la Yehova kuenda omunu lukuavo.—Esn 6:6, 7.
Olonumbi vipi vi pondola oku kuatisa asongui vepata oku linga Efendelo limue Liepata li sanjuisa?
Li lingiwe olonjanja viosi. Nda citava, osemana losemana, nõla eteke liefendelo liepata li lingiwa. Nda kua molẽha ocina cimue ca tateka, efendelo liepata li lingiwe eteke likuavo
Lipongiya. Pinga ekuatiso kukãi wove kuenda olonjanja vimue pingavo olonumbi komãla vove. Ka ci sukila oku pongiya ovolandu alua, ca piãla enene nda epata li sanjukila oku lilongisa ovolandu aco olosemana viosi
Poku linga esokiyo, kapako esukila liepata liove. Osimbu omãla va kula, asukila kuenda ovoloño avo a pongoloka. Esokiyo o linga li pondola oku kuatisa omunu lomunu vepata oku kula konepa yespiritu.
Elivala liaco li kale liocisola halio liesanju. Olonjanja vimue lilongisili voluayela, nda ekalo li ecelela. Lianji kuenda upimo akukutu amue oku puyukapo. Ndaño okuti epuluvi limue liwa lioku vangula catiamẽla kovitangi omãla va kasi oku liyaka lavio, pole, efendelo liepata ka li ka kaile epuluvi lioku va pisa ale oku va pindisa
Lilongisi ovina via litepa. Ndeci, vesokiyo liene citava oku kongelamo oku pongiya ocipama cimue cohongele cosemana yi keya, oku tala ovideo yimue yo jw.org, oku vangula catiamẽla kulandu waco kuenda oku pongiya onepa yimue yoku fetika ombangulo kupange woku kunda. Ndaño okuti oku sapela oco ocina ca velapo Kefendelo Liepata, elivala liaco li kalevo otembo omunu lomunu vepata, a sukila oku sokiya ulandu a ka lilongisa velilongiso liaye lio pokolika
Kũlĩhĩsa epulilo eli:
O seteka ndati oku kapako olonumbi evi kefendelo liove liepata?