5-11 YENYENYE

OVOKUASI A SANGIWA VONDAKA YA SUKU

1. “Sapuila Kocitumbulukila ci Kuãimo” Catiamẽla Kunene wa Suku

(Akuk. 10)

Daviti wa mola eteyuilo lia Yehova eci a kala umalẽhe (Os 71:5; w99 1/9 kem. 20 ocin. 17)

Daviti wa mola ekuatiso lia Yehova eci a kuka (Os 71:9; g04 8/10 kem. 23 ocin. 3)

Daviti wa pamisa amalẽhe vamue poku va lomboluila ovolandu aye (Os 71:17, 18; w14 15/1 kem. 23 ocin. 4-5)

Epata lia konomuisa vonepa yosemana ya pita “Olonumbi Vioku Linga Efendelo Liepata.” Olio lia laleka ohueli yimue ya kuka kefendelo liavo liepata. Epata li kasi oku yevelela lesanju osimbu ohueli yi lekisa alitalatu loku lombolola ovolandu amue.

LIPULA NDOCO, ‘Helie vekongelo okuti o kasi ale oku vumba Yehova vokuenda kuotembo yalua, ndi sanjukila oku pulisa vokuenda Kuefendelo lietu Liepata?’

2. Ovina vi Sangiwa Vembimbiliya

(Akuk. 10)

Os 72:8—Ohuminyo Yehova a lingile ku Avirahama, yi sangiwa kelivulu Liefetikilo 15:18, ya tẽlisiwa ndati vokuenda kuviali wa Soma Salomone? (Perspicaz-1 kem. 892)

Etambululo liove
Atosi api wa sanga koku tangiwa Kuembimbiliya vosemana yilo o yongola oku tu sapuilako?

Etambululo liove

3. Oku Tangiwa Kuembimbiliya

(Akuk. 4) Os 71:1-24 (Oku Longisa, etendelo 5)

KAPAKO OLONUMBI EVI KUPANGE WOKU KUNDA

4. Oku Fetika Ombangulo

(Akuk. 3) KONJO LANJO. Nda omunu wa sanga o kasi oku vangula ovina vikuavo, malusula ombangulo lonjila yimue ya sunguluka. (Sola Omanu, ocipama 4 etosi 5)

5. Amamako Oku Vetiya Onjongole

(Akuk. 4) UVANGI KA WA SOKIYIWILE. Amamako lombangulo wa kuatele la umue ukuepata okuti o kasi oku suma suma poku lilongisa Embimbiliya (Sola Omanu, ocipama 8 etosi 4)

6. Lombolola Ovina wa Siata Oku Lilongisa

(Akuk. 5) Ohundo. ijwfq 49—Osapi: Momo Lie Olombangi Via Yehova Via Pongoluila Amue Pokati Kalongiso Avo? (Oku Longisa, etendelo 17)

EKALO LIAKRISTÃO

7. Olonumbi Vioku Linga Efendelo Liepata

(Akuk. 15) Ohundo lapulilo amue kolonjeveleli.

Epata li tãi kuenda li kasi oku imba ocisungo Cusoma.

Epata li kasi oku tala ocipama co JW Broadcasting.

Umue pokati komãla, o kasi oku sapela la ina yaye vokuenda Kuefendelo Liepata.

Eteke Liefendelo Liepata, otembo yimue yi kuete esilivilo, oco omãla va pindisiwe “ndomo ci likuata leci Yehova a popia.” (Efs 6:4) Oku lilongisa ci sukila alikolisilo, pole, ci nena esanju ca piãla enene nda omãla va kuete onjongole yoku lilongisa ocili Cembimbiliya. (Yoa 6:27; 1Pe 2:2) Pitulula okakasia losapi, “Olonumbi Vioku Linga Efendelo Liepata” vi pondola oku kuatisa olonjali oku linga Efendelo Liepata lonjila yimue yi vetiya haiyo yi sanjuisa, noke linga apulilo a kuãimo:

Vipi pokati kolonumbi evi o yongola oku seteka oku kapako?

Etambululo liove
Wa sanga hẽ ocina cikuavo ci ku kuatisa?

Etambululo liove

OLONUMBI VIOKU LINGA EFENDELO LIEPATA

EMBIMBILIYA:

Yeveleli ulandu Wembimbiliya wosemana wa ngalavaliwa, tangi ulandu waco londaka yimue yi yevala ciwa. Omunu lomunu vepata, o pondola oku tanga volondaka via litepa viomunu umue wa tukuiwa Vembimbiliya
Pongiyi apulilo a kunamẽla koku tangiwa Kuembimbiliya vosemana. Omunu lomunu vepata, a nõle epulilo limue loku linga akonomuiso. Noke o sapuilako vakuavo ovina a lilongisa
Lingi epulilo limue ale lombolola ocitangi cimue, noke lingi akonomuiso olonumbi Viembimbiliya vi kapiwako vi sangiwa velivulu Ovisonehua vi Songuila Omuenyo Wukristão
Lingi ocindekaise culandu umue Wembimbiliya
Pongiyi okacicapa kamue loku sonehamo ocinimbu cimue Cembimbiliya ca litepa osemana losemana, ndevi vi sangiwa Valomboluilo A, vombochura losapi Sola Omanu—Linga Olondonge, noke seteki oku patekela ocinimbu caco. Pitululi ovicapa wa sonehi ovinimbu Viembimbiliya olosemana via pita
Lilongisi onepa yimue yelivulu losapi, Sanjukili Omuenyo Otembo ka yi Pui!
Nõla vamue vepata oco va lombolole ulandu wopiwa vovipama violonepa, “Apulilo a Tambuluiwa Lembimbiliya” ale, “Ovinimbu Viembimbiliya Via Lomboluiwa” vi sangiwa vemẽhi liosapi, ALONGISO EMBIMBILIYA vo jw.org

OLOHONGELE:

Pongiyi onepa yimue yohongele yekongelo
Pongiyi kuenda pitululi atambululo vu ka eca. Kũlĩhĩsi otembo
Pongiyi ovisungo Viusoma
Sokiyi kuenda pongiyi eci omunu a ka popia oco a vetiye umue osimbu ohongele ka ya fetikile ale, noke yohongele yi ka kuamamo
Pongiyi ocindekaise cimue okuti umue ukuepata eye o ka ci linga kohongele yovokati kosemana

UPANGE WOKU KUNDA:

Lipongiyili oku kundila konjo lanjo
Lipongiyili oku linga apasu
Sokololi ndu okuti omunu o kasi pocitumãlo cimue pali omanu valua kuenje pongiyi ndomo vu fetika ombangulo lonjila yimue ya sunguluka haiyo yukamba
Sapeli ovimãho vu sukila oku tumbika oco vu vokiyi otembo yene kupange woku kunda vokuenda kuotembo yocipito Conjivaluko ale, ceci vu kala kepuyuko kupange ale kosikola

OVINA EPATA LI SUKILA:

Sokiyi ndomo ku tetuluiwa ocitangi cimue ale, ceci ku keya ocitangi caco oku kongelamo oku yuvula oku litenga vopulitika, oku sanumuiwa, oku namulãla, ale ovipito viesulilo liunyamo
Sokiyi onepa yimue yi lekisa okuti, olonjali vi linga onepa yomãla kuenda omãla va linga onepa yolonjali. Omãla va kũlĩhĩse ulandu waco kuenje va u sapuila kolonjali

OLONUMBI VIA VOKIYIWAKO:

Tali kuenda sapeli ulandu umue wo JW Broadcasting^®
Tangi ocipama cimue ale tali ovideo yimue vo jw.org kuenda sapeli eci catiamẽla kulandu waco
Kũlĩhĩsi ulandu umue wopiwa kosapi yokuti, “Amalẽhe” ale “Omãla” vi sangiwa vemẽhi liosapi yokuti, ALONGISO EMBIMBILIYA vo jw.org
Pitululi atosi amue ohongele yofeka ale, ohongele yimbo
Kũlĩhĩsi ale lingi akonomuiso onepa yimue yatiamẽla koviluvo, noke sapeli eci vu lilongisilako catiamẽla ku Yehova
Olonjanja vimue laleki manji umue kuenda u lingi apulilo amue
Litumbikili ovimãho konepa yespiritu kuenda sapeli ndomo vu vi tẽlisa
Lingili kumosi upange umue ndeci, oku soneha oviluvialuvia ale, omapa yimue

Lekisa OVIDEO losapi Amamako Oku Mioñolola Efendelo Liepata. Noke pulisa ndoco kolonjeveleli:

Ulume o pondola ndati oku linga efendelo limue liepata li sanjuisa ukãi waye ndaño okuti ka va kuete omãla?

Etambululo liove

8. Elilongiso Liembimbiliya Vekongelo

(Akuk. 30) Eca Uvangi, ocip. 13 ocin. 17-24