Sanda Ocitumãlo Ciwa Coku Lilongisila

O yongola hẽ okupa esilivilo kelilongiso liove Liembimbiliya? Ocisimĩlo eci ci pondola oku ku kuatisa okupa esilivilo kovina o kasi oku tanga.

• Sanda ocitumãlo cimue ciwa. Likolisilako oku sanga ocitumãlo cimue ca yela, congotiyiwa ciwa kuenda ci kuete ocinyi oco o mole ciwa ovina o kasi oku tanga. Ove o pondola oku tumãla komesa ale o pondola oku sanga ocitumãlo cimue ci kasi ciwa posamua.

• Sandiliya ocitumãlo cimue o pondola oku kala lika wove. Yesu wa nõlele oku likutilila “Omẽle ociteketeke pocitumãlo cimue culika.” (Mar 1:35) Nda ka pali ocitumãlo cimue cu lika, sapuila epata liove ale vana u kasilili kumosi elivala liove lioku lilongisa.

• Yuvula ovina vi ku taluisa. Nda elilongiso liove o lilinga lo telefone ale lo tablet tepulula ocileñi oco ka ci ka ku tateke. Nda vokuenda kuelilongiso wa limbuka okuti wa sokolola cimue o sukila oku linga, ci soneha oco ku ka ci ivale okuti o ci linga noke kuenda amamako oku lilongisa. Nda ku kasi oku tiamisila utima kueci o kasi oku tanga talamapo kamue, ñualala ñuala ale pindisa etimba.