Helie Usovoli Wetavo Liene?

Ulandu Wolombangi Via Yehova koloneke vilo, wa fetika kesulilo liocita 19. Kotembo yaco okacimunga kamue ka vakuakulilongisa Embimbiliya, va kala ocipepi lo ko Pittsburgh, Pennsylvania, ko Estados Unidos va fetika oku konomuisa Embimbiliya. Ovo va enda oku sokisa alongisa atavo leci Embimbiliya li longisa. Kuenje, va fetika oku sandeka alivulu a lekisa ovina va kala oku lilongisa, ovikanda viasapulo kuenda o revista yi tukuiwa hati, Utala Wondavululi—u Sapula Usoma wa Yehova.

Pokati ka va kuakulilongisa Embimbiliya pa sangiwile ulume umue o tukuiwa hati, Charles Taze Russell. Kotembo yaco, Russell wa fetika oku songuila upange woku longisa Embimbiliya, kuenda eye wa kala usonehi watete wo The Watchtower, pole, ka sovuile etavo liokaliye. Ocimãho ca Russell kumue la vakuavo vakuakulilongisa Embimbimbiliya, ca kala oku vetiya alongiso a Yesu Kristu kuenda oku kuama ongangu Yakristão vo kocita catete. Omo okuti, Yesu eye Utue Wekongelo Liakristão, etu tu u tenda okuti, eye Usovoli wetavo lietu.—Va Kolosai 1:18-20.