Testemunhas de Jeová—Fé em Ação, Parte 1: Da Escuridão para a Luz
Vembimbiliya ocinyi ci tiamisiwila kocili, pole owelema u sokisiwa lesanda. (Osa. 43:3; Isa. 5:20) Satana wa nena owelema kilu lieve eci a kemba Heva kuenda eye wa sanduila owelema waco voluali luosi. (Esit. 12:9) O video losapi, Testemunhas de Jeová — Fé em Ação, Parte 1: Da Escuridão para a Luz yi lombolola ndomo ocinyi cespiritu ca fetika oku moleha pokati kowelema. (Isa. 60:1, 2) Noke yoku tala o video o pondola hẽ oku tambulula apulilo a-a?
(1) Owelema weya ndati noke yolofa viovapostolo? (2) Oku upisa kunyamo wo 1100, omanu va kuatisiwa ndati oku limbuka okuti atavo ka a kaile oku longisa ocili? (3) Helie wa kala Henry Grew kuenda George Storrs? (4) Ovolandu api a pita komuenyo wa manji Charles Russell okuti o kuatisa calua? (5) Manji Russell, la isiaye kuenda omanu vakuavo va enda oku songola ndati elilongiso Liembimbiliya, kuenda elomboloko lipi Liovisonehua va kuata? (6) Ocimunga ca Vakuakulilongisa Embimbiliya ca likongela ndati locimunga ca Nelson Barbour, pole nye ca vetiya Manji Russell oku litepa locimunga caco? (7) Nye ca pita kunyamo wo 1879 kosãi Yevambi Linene okuti ca nena elomboloko liokaliye liocinyi cespiritu? (8) Nye Vakuakulilongisa Embimbiliya va linga oco va kunde olondaka viwa? (9) Osimbu handi ka va pitilile kunyamo wo 1914, nye Vakuakulilongisa Embimbiliya va kala oku lavoka? (10) Noke yolofa via manji Russell, ovitangi vipi Vakuakulilongisa Embimbiliya va liyaka lavio? (11) Vakuakulilongisa Embimbiliya nye va linga eci Manji Rutherford kuenda vamanji vakuavo va tunda vokayike? (12) O video eyi ya vokiya ndati elomboloko kuenda olopandu viove kocisoko ca Yehova? (13) O video eyi ya pamisa ndati onjongole yove yoku amamako oku kunda ndaño latateka? (14) Tu talavaya ndati lo video eyi oco tu kuatise vangandietu, vana tu longisa Embimbiliya kuenda omanu vakuavo?
Hambanjailekuoyo konepa yespiritu Vakuakulilongisa Embimbiliya va tu sila! Ovo va lekisa utõi kuenda ombili yoku tuisa ocinyi voluali lumue luowelema kespiritu. Omo liaco, tu kuami ongangu yavo yoku ‘endaenda ndomãla vocinyi.’—Va Efe. 5:8.