Anga hẽ Embimbiliya li Pisa Oku Linyãla?

Etambululo Liembimbiliya

Embimbiliya li ecelela oku linyãla. Pole, Yesu wa lekisa lika esunga limosi li ecelela oku linyãla, poku popia hati: “Wosi o nyãla ukãi waye, nda halondaka yoku pekelisako, [oku lipekela lomunu ukuavo] kuenje o kuela ukãi ukuavo, o linga ukahonga.”—Mateo 19:9.

Suku wa suvuka uhembi, kuenda oku linyãla lusuanji. Eye o ka sombisa omanu vana va nyãla olohueli viavo lusuanji, ca piãla enene vana va ci linga lonjongole yoku kuela omunu ukuavo.—Malakiya 2:13-16; Marko 10:9.