Momo Lie Nda Siatela Oku Livalula Ame Muẽle?

Nye ci lomboloka oku livalula ove muẽle?

Kuli olonjila vialua vioku livalula ove muẽle, oku kongelamo oku li timĩha, oku li veta ale oku li teta teta ove muẽle. Ndaño okuti ocipama eci ci lombolola ocituwa coku livalula ove muẽle ocipango locina cimue ci teta, olonumbi vi konomuisiwa vi tiamisiwila kolonjila viosi vioku livalula ove muẽle.

Seteka ukulĩhiso wove: Ocili ale esanda?

1. Omãla vakãi ovo lika va kuete ocituwa coku livalula ovo muẽle.

2. Ocituwa coku livalula ove muẽle, ci lueya ocihandeleko Cembimbiliya ci sangiwa kelivulu Liovisila 19:28, cokuti: “Ko ka litandi katimba ene.”

Momo lie omunu umue a pondola oku ci linga?

Seteka ukulĩhiso wove: Pokati katosi a tukuiwa ndeti, lipi o sima okuti olio liocili?

Omanu va siata oku livalula ovo muẽle . . .

1. Omo va kasi loku liyaka locitangi cimue.

2. Omo va kasi oku seteka oku liponda.

Tala eci amãlehe vamue va enda oku livalula ovo muẽle va popia catiamẽla kocituwa caco.

Celia: “Oku livalula ame muẽle ca enda oku tepulula esumuo liange.”

Tamara: “Ya kala onjila imue yoku imula esakalalo. Nda nolelepo oku yeva evalo ketimba okuti esakalalo li sule.”

Carrie: “Sia solaile oku sumua. Eci ndi livalula ame muẽle esumuo liange li pita kuenda ndi yeva lika evalo ketimba.”

Jerrine: “Olonjanja viosi nda enda oku livalula ame muẽle nda enda oku ivailako asakalalo ange osi kuenda nda enda oku sima okuti si sukila vali oku liyaka lovitangi viange. Ca enda oku ndi nenela ekavuluko.”

Nda ove o kuete ocitangi caco, o siapo ndati ocituwa caco?

Oku likutilila ku Yehova Suku, ci pondola oku kuatisa oku siapo ocituwa caco. Embimbiliya li popia hati: “Yeki kokuaye ovilemo viene viosi, momo eye o vu tati.”—1 Petulu 5:7.

Onumbi: Fetika poku linga olohutililo via teta onimbu poku popia hati: “A Yehova mange ohenda, ndi kuatise.” Vokuenda kuotembo, o ka tẽla oku lombolola asakalalo ove osi ku “Suku yelembeleko liosi.”—2 Va Korindo 1:3, 4.

Ohutililo ka yi lomboloka onjila yoku likuatisa oco o liyeve ciwa. Onjila yimue yi ku kuatisa oku sapela la Isiove o kasi Kilu, una o likuminya hati: “Ame hu kolisa, hu kuatisa; hu kuata leka liange liondio hailio liesunga.”—Isaya 41:10.

Omanu valua va liyaka locitangi coku livalula ovo muẽle, va pondolavo oku sanga elembeleko poku sapela la umue pokati kolonjali viaye ale omunu umue ukuavo a kolelela. Kũlĩsa apulilo a lingiwa kamãlehe vatatu va kuatele ocituwa caco.