OCISELEKO CALIVULU VO INTERNET Colombangi Via Yehova
Olombangi Via Yehova
OCISELEKO CALIVULU VO INTERNET
Umbundu
Ũ
  • Ñ
  • ñ
  • õ
  • Õ
  • ũ
  • Ũ
  • ĩ
  • Ĩ
  • ã
  • Ã
  • ẽ
  • Ẽ
  • EMBIMBILIYA
  • ALIVULU
  • OLOHONGELE
  • lv kam. 215-218
  • Oku Sakuiwa Lolonepa Viosonde Kuenda Oku Pelaliwa

Vonepa eyi ka mu sangiwa ovideo layimue.

Tu ecele, kua pita ocitangi cimue poku lekisa ovideo.

  • Oku Sakuiwa Lolonepa Viosonde Kuenda Oku Pelaliwa
  • “Kali Vocisola Ca Suku”
  • Ocipama ci Likuata
  • Ndomo Suku a Tenda Osonde
    Sanjukili Omuenyo Otembo ka yi Pui!—Elilongiso Liembimbiliya
  • Apulilo Valingiwa Lavakuakutanga
    Utala Wondavululi—2000
  • Tava Oku Songuiwa La Suku Ukuamuenyo
    Utala Wondavululi—2004
  • Ove hẽ o Tenda Omuenyo Ndeci Suku a u Tenda?
    “Kali Vocisola Ca Suku”
Tala Ovina Vikuavo
“Kali Vocisola Ca Suku”
lv kam. 215-218

ALOMBOLUILO A VOKIYIWAKO

Oku Sakuiwa Lolonepa Viosonde Kuenda Oku Pelaliwa

Olonepa viosonde. Osonde yi tepiwa volonepa vikuãla​—ologlobulu vi kusuka, ologlobulu vi yela, oloplaketa kuenda oplasma. Vologlobulu vi kusuka mu sangiwa oloproteina vio emoglobina. Kosonde yomanu leyi yovinyama kua siata oku upiwa ovihemba vioku sakula vana va pesela osonde yalua.

Voplasma​—onepa yi kuete ci soka 90 kolopursendu yovava​—mu sangiwa olohormona, omongua, oloenzima, ovina vi pamisa etimba kuenda osuka. Voplasma mu sangiwa ovina vi teyuila etimba kovovei, kuenda ulela. Nda omunu wa kuatiwa luvei umue, olondotolo viu toma ocinjesãu cogamaglobulina yopiwa koplasma yomunu ka kuete uvei waco. Vologlobulu vi yela mu sangiwa olo interferons kuenda olo interleusina va siata oku sakula lavio ovovei amue a sambuka kuenda o kankru.

Citava hẽ okuti Akristão va sakuiwa lolonepa viaco viosonde? Omunu lomunu eye o kuete elianjo lioku nõla onjila a kuama kovaso a Suku, momo Embimbiliya ka lieci etambululo liatiamẽla kondaka eyi. Vamue va likala oku sakuiwa lolonepa viaco, momo Ocihandeleko Suku a ecele ku va Isareli ca kisikile oku “pesela posi” osonde yovinyama. (Esinumuĩlo 12:22-24) Vakuavo, ndaño ka va tava oku kapiwa osonde, pole va tava oku sakuiwa lovihemba viopiwa kolonepa viaco vikuãla viosonde. Ovo va siata oku popia hati, olonepa viovihemba viaco viopiwa kosonde ya kukuta, pole tu sukila oku ivaluka okuti olonepa viaco viosonde, vi lomboloka omuenyo.

Catiamẽla koku tava ale sio oku sakuiwa lolonepa vio sonde, kũlĩhĩsa apulilo ava: Anga hẽ nda kũlĩha okuti voku likala oku tambula olonepa vitito viosonde, mua kongela ovihemba vi ñuatisa oku sakula ovovei, ale oku kotola osonde eci ndi li lemeha? Ndi tẽla hẽ oku sapuila ndotolo esunga lieci ndi tavela ale sio olonepa vitito viosonde?

Oku pelaliwa. Voku pelaliwa mua kongela o emodiluisãu kuenda oku ongolola oloselula. Vo emodiluisãu mua kongela oku kapa osonde votunjeke okuti yi piñanyiwa lovihemba, noke va yi tiuwiya vali vetimba liomunu. Voku ongolola oloselula mua kongela oku tiuwiya osonde ya peseka poku pelaliwa. Osonde yi tapiwa pepute ale ponepa yikuavo yetimba, yi kenjiwa oco yi tiukile vali vetimba liombeyi. Omo okuti ondotolo londotolo yi kuete onjila a siata oku kuama poku sakula, Ukristão o sukila oku sandiliya ondotolo yi tava oku u sakula lonjila yo sungulukila.

Poku nõla ndomo o sakuiwa, li pula ndoco: ‘Nda osonde ya tunda ale vetimba liange okuti yi kala kosamua otembo yimue, anga hẽ ndi tava oku tambula vali osonde yaco, okuti ka ‘yi pesiwila posi’? (Esinumuĩlo 12:23, 24) Nda poku sakuiwa osonde yange muẽle yi tengiwa lovihemba oco yi tiukile vali vetimba, utima wange wa pindisiwa lolonumbi Viembimbiliya u ka sakalala hẽ? Anga hẽ oku likala oku sakuiwa losonde yange muẽle, ci lomboloka oku likalavo oku sakuiwa lonjila yi tukuiwa hati hemodialise ale okamakina ka kuatisa oku pitisa ofela kuenda oku endisa osonde vetimba?’

Etondongolo kemẽla 216

Ukristão o sukila oku nõla nda o sakuiwa ale sio losonde yaye muẽle poku pelaliwa. Ukristão o sukilavo oku nõla nda o tava ale sio okanepa kamue kosonde kopiwa vasipa, noke ka tengiwa lovihemba oco okanepa kaco ka tiukile vali vetimba.

APULILO O SUKILA OKU LINGA KUNDOTOLO

Nda o kasi oku liyaka luvei u sukila oku sakuiwa lovihemba viopiwa kosonde, o sukila oku kuata ovikanda viuvangi vi ka ku teyuila koku kapiwa osonde. Handi vali, o sukila oku linga apulilo ava kundotolo:

  • Anga hẽ olondotolo viosi via kũlĩha okuti ame Ndimbangi ya Yehova, okuti si tava oku kapiwa osonde (ci kale osonde yosi, ologlobulu vi kusuka, ologlobulu vi yela, oloplaketa, ale oplasma) ndaño nda kisikiwa?

  • Anga hẽ vovihemba ndi ka sakuiwa lavio mua kongeliwa olonepa vimue viosonde? Ndi sakuiwa ndati lovihemba viaco?

  • Nda utima wange wecelela oku sakuiwa lolonepa viosonde, ovitangi vipi ndi ka kuata? Anga hẽ ka kuli vali ovihemba vikuavo ndi pondola oku sakuiwa lavio?

Osimbu kua nõlele ovihemba o sakuiwa lavio, likutilila ku Yehova. Eye wa likuminya oku eca olondunge ku vana vo ‘pinga’ lekolelo.​—Tiago 1:5, 6.

    Alivulu Wumbundu (1993-2025)
    Tunda
    Iñila
    • Umbundu
    • Tumisa o link
    • Ceci o yongola
    • Copyright © 2025 Watch Tower Bible and Tract Society of Pennsylvania
    • Alungulo Onumbi
    • Onumbi Yoku Liteyuila
    • Ndomo o Liteyuila
    • JW.ORG
    • Iñila
    Tumisa o link