Ocisungo 77
Tu Lieceli Pokati
1. Suku o tu sole
Wa tu ĩha Omõlaye
Ovakandu wa tu ecela
Tua yovuiwa kolofa
Eci tu likekembela,
Eye o tu tetela
Tu livondela ku Suku,
Vocisembi ca Kristu.
2. Suku o tu ecela,
Nda tu linga ohenda
Poku tetela vakuetu,
Locisola lohenda.
Tu velisipo vakuetu,
Loku imbapo evĩho;
Vamanjetu tu sumbili,
Locisola cocili.
3. Ohenda ya fina,
Te tu yi sandiliya.
Momo yi yula onyeño,
Onya locikumbiti.
Yehova tu setukuli,
Ukuacisola calua,
Tu li teteli pokati;
Suku tu setukuli.
(Talavo Mat. 6:12; Va Ef. 4:32; Va Kol. 3:13.)