Usoma wa Suku u lomboloka nye?

CECI EMBIMBILIYA LI POPIA

“Suku yo kilu o ka tumbika usoma umue okuti lalimue eteke u ka nyõliwa.”—Daniele 2:44, Embimbiliya li Kola—Epongoluilo Lioluali Luokaliye.

“Omõla umue ulume wa eciwa kokuetu; kuenda uviali u ka kala kapepe aye.”—Isaya 9:6; etosi.

CECI CI PONDOLA OKU LOMBOLOKA KOKUOVE

• Uviali wesunga u pondola oku ku kuatisa.—Isaya 48:17, 18.

• Voluali luokaliye u laika oku iya, Usoma u ka nena uhayele wa lipua kuenda esanju.—Esituluilo 21:3, 4.

TU SUKILA MUẼLE OKU TAVA KUECI EMBIMBILIYA LI POPIA?

Oco, omo liasunga avali a kuãimo ndeci:

• Yesu wa lekisa ovina vimue Usoma wa Suku u ka linga. Eye wa longisa olondonge viaye oku likutilila oco Usoma wa Suku wiye kuenda oco ocipango ca Suku ci lingiwe palo posi. (Mateo 6:9, 10) Yesu wa lekisa ndomo ohutililo yaco yi ka tambuluiwa.

  Yesu eci a kala palo posi, wa tekula omanu va kala onjala, wa sakula olombeyi kuenda wa pindula vana va fa! (Mateo 15:29-38; Yoano 11:38-44) Omo okuti Yesu eye o ka kala Soma Yusoma wa Suku, wa lekisa ovina vimue vi komõhisa Usoma waco u ka lingila olonungi vialio.—Esituluilo 11:15.

• Ekalo lioluali li lekisa okuti Usoma wa Suku ndopo wiya. Yesu wa popia okuti osimbu Usoma ka wa nenele ombembua palo posi, voluali mua laikele oku kala ovoyaki, onjala kuenda ovilemawe.—Mateo 24:3, 7.

  Koloneke vilo tua siata oku mola ovitangi viaco. Omo liaco, tu pondola oku kolela okuti, Usoma wa Suku ndopo u ka malako ovitangi viaco viosi.