Olonumbi Kasongui Violoseketa Kohongele Yofeka

OLOHONGELE VILIKASI

UPANGE WO BETELE Ukundi wosi wa papatisiwa okuti o kuete 19 toke 35 kanyamo okuti o yongola oku iñila kupange wo Betele, citava oku kala kohongele yava va yongola oku iñila kupange waco yi ka lingiwa Votãlo kekumbi. Owola, locitumãlo ku ka lingiwila ohongele yaco, vi ka sapuiwa selo.

OSIKOLA YAKUNDI VUSOMA Akundi votembo yosi va kuete 23 toke 65 kanyamo okuti va yongola oku vokiya upange wavo woku kunda, va lalekiwa oku kala kohongele yi ka lingiwa Calumingu kekumbi yatiamẽla Kosikola Yakundi Vusoma. Owola kuenda ocitumãlo ku ka lingiwila ohongele yaco, vi ka sapuiwa selo. KU KA LIWEKEPO! Ohongele yofeka Yolombangi Via Yehova Yunyamo wo 2017 ya Sokiyiwa Losungu Yolombangi Via Yehova

OLONUMBI KASONGUI VIOLOSEKETA KOHONGELE YOFEKA

VAMANJI VAKUAKUTUMÃLISA Vamanji vakuakutumãlisa va nõliwila oku ku kuatisa. Omo liaco, leluisa upange wavo poku pokola kolonumbi viavo viatiamẽla koku yeka oviendelo, koku lavulula owiñi, koku vala olomangu kuenda kovina vikuavo

EPAPATISO Ku lingiwe esokiyo liokuti, olomangu viava va ka papatisiwa vi kala kovaso yembumbua nda ka kuli onumbi yikuavo. Osimbu ohundo yepapatiso ka ya fetikile, ava va ka papatisiwa va sukila oku kala pocitumãlo ca va sokiyiwila Casapalo komẽle. Omunu lomunu a nene uwalo woku yua wa sunguluka kuenda etuaya.

OLOMBANJAILE Kua siata oku pesiwa olombongo vialua oco ku angiliyiwe olomangu vi tẽla, anguena oku yevalisa ovileñi, lolovideo kuenda ovopange akuavo a ecelela okuti, omanu va yevelela ciwa ulandu wohongele yofeka oco va kuate ukamba la Yehova. Omo liaco, olombanjaile viene vi kuatisa oku feta ovina evi kuenda upange woku kunda u kasi oku lingiwa koluali luosi. Nda o yongola oku eca cimue, kuli olokasia vioku kapa olombanjaile, vi sangiwa vocitumãlo cilo Cohongele. Tu eca olopandu kolombanjaile viosi wa siati oku eca. Osungu Yolombangi Via Yehova, yeca olopandu omo liocali wa siati oku lekisa koku kuatisa upange Wusoma.

OKU SAKUIWA KUONJANGA Ivaluka okuti, KU SAKUIWA LIKA OVINA VIONJANGA.

OVINA VIA NYELELA LEVI VIA NÕLIWA Ovina viosi via nõliwa vi tualiwe ko Seketa yi kuete ocikele coku tata ovina viaco. Nda wa nyẽlisa ocina cimue, kuende ko Seketa yaco, oco o limbuke ocina cove. Omãla vosi va nyẽlela citava oku va sandiliya ko Seketa yaco. Pole, o Seketa eyi ka yi ka tendiwe ndonjo yoku lela omãla. Omo liaco, tati ciwa omãla vene, kuenda va kale ocipepi lene.

OLOMANGU Lekisa esumbilo ku vakuene. Ivaluka okuti, citava lika oku selekela olomangu vana wa endeli kumosi vekãlu kuenda vakuepata liove, ale olondonge viove Viembimbiliya. Ku ka kape ovikuata viove kolomangu vi kasi ponẽle yove.

UPANGE WOKU LIECA OLUMUE Nda o yongola oku eca ekuatiso liove kupange watiamẽla kohongele yofeka, kuende ko Seketa Yupange Woku Lieca Olumue.