POKU FETIKA OMBANGULO
OCIPAMA 6
Lekisa Utõi
Ocisonehua: “Tua kuata utõi omo lia Suku yetu oco tu vu sapuili olondaka viwa.”—1 Va Tes. 2:2.
Ceci Yesu a Linga
1. Tala OVIDEO, ale tanga Luka 19:1-7. Noke tambulula apulilo a kuãimo:
Momo lie omanu vamue pamue va endela oku yuvula Sangeo?
Ndaño ndoco, nye ca vetiya Yesu oku u kundila olondaka viwa?
Nye tu Lilongisila ku Yesu?
2. Tu sukila oku kunda lutõi esapulo Liusoma komanu vosi okuti ka tu lekisa ocame.
Setukula Yesu
3. Kolela ku Yehova. Espiritu lia Suku lia eca unene ku Yesu oco a kunde kuenda olio li pondolavo oku ku kuatisa. (Mat. 10:19, 20; Luka 4:18) Pinga ku Yehova oco a ku ĩhe utõi woku kundila vana o sima okuti, va koka ohele.—Ovilinga 4:29.
4. Ku ka pise omanu. Pamue tu kuata ohele yoku vangula lomanu vamue omo liemolẽho liavo, omo liovokuasi avo, ekalo liomuenyo wavo, ale omo lietavo liavo. Pole, ivaluka okuti:
Yehova la Yesu, va kuete uloño woku kũlĩhĩsa ovitima; pole, etu sio.
Ka tu ka simi okuti, kuli omunu umue ka pondola oku kuatisiwa lohenda ya Yehova.
5. Kala ukuotõi, pole, lekisa utate lesumbilo. (Mat. 10:16) Yuvula oku lihoyisa. Sulila lesumbilo ombangulo nda omunu umue ka yongola oku yevelela olondaka viwa, ale nda wa limbuka okuti ekalo ka lia kolelepo.—Olosap. 17:14.