O Harmagedo Yi Lomboloka hẽ Ocilunga Coku Kundula Oluali?

ECI o yeva ondaka Harmagedo, wa siata hẽ oku sima okuti, yi lomboloka ocilunga cimue cika kundula oluali? Omanu kolonepa viosi violuali, va siata oku vangula calua catiamẽla ko “Harmagedo” okuti ovina vikuavo Viembimbiliya ci sule. Ondaka yoco va siata oku yi lombolola okuti, ocilunga cimue cika nena ohali komanu vosi va kasi voluali. Ovingungu viasapula ndeci: O Televisão, kuenda Oradiu, via siata oku vetiya omanu oku sima okuti o “Harmagedo,” yika kala otembo yimue yungangala lohali. Ndaño okuti omanu va kuete ovisimĩlo via litepa vio Harmagedo, pole, ka vi situlula ocili condaka yaco ndomo ya tukuiwa Vembimbiliya.

Embimbiliya poku lombolola ‘esulilo lioluali,’ lia siata oku tiamisila ondaka yaco ko Harmagedo. Ove hẽ, ku tava okuti ca sunguluka oku kuata elomboloko liondaka yaco? (Mateo 24:⁠3) Tu sukila oku sandiliya Vembimbiliya oco tu sange etambululo liocili liatiamẽla ko Harmagedo. Momo ondaka yaco yi tiamisiwilavo kokuove lepata liove.

Nda wa konomuisa ondaka yaco, oka limbuka okuti o Harmagedo, ka yi lomboloka ocilunga coku kundula oluali lulo. Pole, komanu vana va sole esunga, yi lomboloka efetikilo lioluali luokaliye. Omo liaco, konomuisa ocipama ci kuãimo oco o kuate elomboloko liatiamẽla ko Harmagedo.

[Okakasia Lelitalatu kemẽla 3]

NYE OSIMA CATIAMẼLA KO HARMAGEDO?

• Uyaki umue uka kundula oluali

• Ocilunga cimue cika pita voluali

• Ekumbi lika kupukila vongongo

• Uyaki wa Yehova woku kundula olondingaĩvi