OSAPI YO KOÑOÑO: HELIE WA KALA MOSE
Helie Wa Kala Mose?
Eci o yeva onduko ya Mose, o sima nye? O sima hẽ okuti . . .
handi oñaña yina ya solekiwile la inaye vuhamba Volui Nilu?
ukuenje una wa kulila velau lio ko Egito, okuti ndaño wa tendiwile ndomõla womõla ukãi a Fareo, ka ivaleleko okuti wa kala u Isareli?
ulume una wa kala ungombo wolomeme ko Midiane vokuenda kueci ci soka 40 kanyamo?
ulume una wa vangula la Yehovaa kovaso yocisapa ca kala oku taima?
ulume una wa endele ku Soma yo Kegito oku pinga lutõi oco va Isareli va yovuiwe kupika?
ulume una wa tumiwĩle oku sapula Afengi Ekũi ku va Egito, eci soma yavo a tomba Suku yocili?
ulume una wa songuila va Isareli oku tunda Kegito?
ulume una Suku a tuma oku tepa pokati Okalunga ka Kusuka?
uleme una wa ecele ku va Isareli Ovihandeleko Ekũi via tunda ku Suku?
OVINA viosi via tukuiwa ndeti, via pita vomuenyo wa Mose. Ocili okuti, ulume waco ukuekolelo, wa sumbiwa calua Lakristão, la va Yudea, kuenda va Musulumanu!
Mose wa kala uprofeto una wa lekisa ‘ovina vinene vi komõhisa.’ (Esinumuĩlo 34:10-12) Eye wa ecelela okuti, Suku o lingila vokuaye ovina vinene. Mose wa kala omunu umue o komõhisa. Ndeci ca pita la Eliya una wa moleha ponele ya Mose vocinjonde otembo Yesu a linga upange waye palo posi, Mose layevo wa kuata ‘ovituwa ndevi vietu.’ (Tiago 5:17; Mateo 17:1-9) Mose wa liyaka lovitangi vialua ndevi tua siata oku liyaka lavio, pole, wa vi yula.
O yongola hẽ oku kũlĩha ndomo a ci linga? Konomuisa ovituwa vitatu Mose a lekisa, kuenda eci tu lilongisila kongangu yaye.
a Yehova oyo onduko ya Suku, ya situluiwa Vembimbiliya.