Onjivaluko Yolofa Via Yesu​—Otembo Yipi Kuenda pi Yilingiwila?

Yesu kuteke wa sulako eci handi ka file, wa longisa olondonge viaye oco va ivaluke ocilumba eye a laikele oku eca. Eye wa va sapuila hati: “Ci lingili onjivaluko yange.”​—Luka 22:19.

Unyamo ulo onjivaluko yolofa via Yesu yi ka lingiwa Votãlo, 3 ya Kupupu noke yoku iñila kuekumbi. Olombangi via Yehova viu ku laleka ove kumue lepata liove oco vu ka yevelele ohundo yi ka lombolola esunga lieci olofa via Yesu vi kuetele esilivilo kuenda ndomo vi ku kuatisi.