Esokiyo Limue Lioku Kuatisa Akristão
1 Ocisoko ca Yehova, ca fetika eliangiliyo limue liokaliye kunyamo wo 1938. Akongelo a lalekiwile oku enda kohongele yocikanjo okuti cilo, yi tukuiwa hati, Ohongele Yimbo. Locimaho cipi? Kosãi ya Susu yunyamo wo 1939, Ukanda Wesapulo, (okuti cilo u tukuiwa hati, Upange Wetu Wusoma) wa eca etambululo lia popia hati: “Olohongele viaco vimbo vi panga onepa Kocisoko ca Yehova, oco ci songuile upange waye woku kunda Usoma. Olonumbi via siata oku eciwa kolohongele viaco vi kuatisa omunu lomunu oku linga upange a tambula.” Kunyamo wo 1938 kua kala lika 58.000 kakundi. Koloneke vilo, eci tu konomuisa ci pitahãla 7.000.000 kakundi Vusoma va eca orelatoriu yavo kunyamo wo 2009, ci lekisa okuti, olohongele vimbo vi kasi oku tẽlisa ocimãho coku kuatisa akundi oco va ‘tẽlise ocikele cupange va tambula.’
2 Osapi Yohongele Yimbo Yunyamo Wiyako: Tu lavoka Ohongele Yimbo yi ka fetika kosãi Yenyenye Linene okuti yi ka tu ĩha evetiyo lialua. Osapi yaco ya linga hati: ‘Ko ka Lingi Vakualuali.’ Oyo yopiwa kelivulu lia Yoano 15:19. Vipi vimue pokati kolohundo vi ka kuatisa Akristão? Casapalo, tu ka yevelela olohundo vimue ndeci: “Oku Kala Ukundi Wotembo Yosi ci tu Teyuila Ndati?” Tu ka yevelelavo osimbosiu yolonepa vitatu losapi hati: ‘Ku ka Yapuisiwe Locinyama,’ ‘Locipuepue Cinene,’ kuenda la “Vakuakufũla.” Calumingu, tu ka yevelela osimbosiu losapi ya linga hati: “Sola Yehova, ku ka Sole Oluali.” Tu ka yevelelavo olohundo vikuavo ndeci: “Tu Amamiko Oku Kala ‘Ndakombe Kuenda Ndovingendeleyi,” kuenda “Pandikisa! O Pondola Oku Yula Oluali.”
3 Manji umue ukãi okuti wa kuata owesi kupange woku kunda noke yoku kala kohongele yimbo ya lingiwa ndopo wa soneha hati: Ovipama viaco vio kuatisa oku konomuisa ekalo liaye, kuenje “wa nõlapo oku vokiya upange waye kuenda wa liwekapo oku lisandela esunga liowesi a kuatele!” Ocili okuti, Ohongele Yimbo yunyamo wiya yi ka tu kuatisa oku sola Yehova kuenda oku yuvula oku sola oluali. (1 Yoa. 2:15-17) Omo liaco, linga esokiyo lioku kala kohongele yaco oco o kuatisiwe leliangiliyo lia sokiyiwila Akristão!
[Apulilo Elilongiso]
1. Esokiyo lipi liokaliye lia fetika kunyamo wo 1938, kuenda locimaho cipi?
2. Ovolandu vapi tu ka yeva kohongele yimbo yunyamo wiya wupange?
3. Ekuatiso lipi tu pondola oku tambula poku kala kohongele yimbo?