Lava Olondunge Viove

1. Yipi osapi yohongele yimbo yunyamo wo 2013, kuenda yi kuete ocimaho cipi?

¹ Yesu wa longisa olondonge viaye oku sola Yehova lutima wavo wosi lomuenyo wavo wosi lolondunge viavo viosi. (Mat. 22:37, 38) Unyamo ulu, ohongele yofeka, yimbo kuenda yilikasi, via pongiyiwila oku pamisa utima wetu. Ove ivaluka okuti ohongele yofeka ya kuata osapi hati “Lava Utima Wove!” Eteke liohongele yilikasi yunyamo wo 2013 yi kuete osapi ya linga hati “Lava Owanji Wutima Wove.” Kuenda ulandu wohongele yimbo u ka fetika oku upisa kosãi iya u kuete osapi ya linga hati, “Lava Olondunge Viove,” yopiwa kelivulu lia Mateo 22:37. Ulandu owu wa sokiyiwila oku kuatisa omunu lomunu oco tu kũlĩhĩse ovisimĩlo vietu lonjila yimue yi sanjuisa Yehova.

2. Apulilo api tu sukila oku yeva atambululo aco vokuenda kuohongele?

² Ceci tu ka Lilongisa: Osimbu tu yevelela ulandu wohongele yimbo tu sukila oku kũlĩhĩsa atambululo apulilo atosi a velapo:

• Ndamupi tu yuvula oku kuata ‘ovisimĩlo viomanu’?

• Tu pondola oku kuatisa ndati koku upa owelema wa vuvalisa olondunge viomanu?

• Utima upi tu sukila oku kuata?

• Esilivilo lipi li tunda koku sokolola lutate?

• Ndamupi tu ecelela Yehova oku pongolola ovisimĩlo vietu?

• Nye alume, akãi, olonjali kuenda omãla, va sukila oku linga oco vepata mu kale esanju?

• Tu lekisa ndati okuti tua kapelako eteke lia Yehova?

• Nye ci lomboloka oku pamisila utima wetu kupange?

• Vana va kapako eci va lilongisa asumũlũho api va tambula?

3. Oku kala kohongele yimbo yoloneke vivali, loku kapako eci tua lilongisa ci kuete esilivilo lie?

³ Satana o kasi oku yaka lolondunge vietu kuenda o sanda oku vi yapula. (2 Va Kor. 11:3) Omo liaco, tu sukila oku teyuila olondunge vietu kuenda oku lava ovisimĩlo vietu. Tu sukila oku amamako oku kuata ovisimĩlo via Kristu kuenda oku yuvula ovituwa violuali lulo luvĩ. (1 Va Kor. 2:16) Omo liaco, linga esokiyo lioku kala kohongele yimbo voloneke viaco vivali. Yevelela lutate. Oku kapako ovina tu ka lilongisa ci tu kuatisa oku pamisa ovisimĩlo vietu loku lekisa ombili kupange Wusoma.—1 Pet. 1:13.