“A Bíblia—O Poder Dela na Sua Vida.”

Embimbiliya li kuete unene u pondola oku kuatisa omanu valua oku pengulula ekalo liomuenyo wavo. Olonumbi vipi Viembimbiliya okuti nda tua vi kapako vi tu kuatisa oku liyaka lovitangi vio koloneke vilo? O pondola oku sanjuka calua poku sanga etambululo vovideo yavali losapi hati, “A Bíblia—O Poder Dela na Sua Vida,” yi sangiwa velonga lio DVD li tukuiwa hati: A Bíblia—Um Livro de Fatos e Profecias. Noke yoku tala ovideo yaco, anga hẽ, o pondola oku tambulula apulilo a kuãimo?

(1) Momo lie Embimbiliya lia litepela lalivulu akuavo? (Va Hev. 4:12) (2) Nda Embimbiliya li pondola oku kuatisa omanu oku pengulula ekalo liomuenyo wavo, momo lie voluali mue yukila ovitangi? (3) Yipi osapi Yembimbiliya? (4) Ovinimbu vipi Viembimbiliya via tukuiwa vovideo, vi pondola oku kuatisa olohueli, (a) oku kuata ocituwa coku sapela, (b) kuenda oku lilava konyeño? (5) Ukristão o tenda ndati apongoloko olohueli vi pondola oku linga komuenyo wavo? (Va Efe. 5:28, 29) (6) Yehova wa lekisa ndati ongangu yalipua kolonjali? (Mar. 1:9-11) (7) Nye olonjali vi sukila oku linga oco elilongiso liepata li soliwe la vosi? (8) Ndaño olonjali via linga eliangiliyo Lielilongiso Liembimbiliya vepata, ovina vipi Ondaka ya Suku yi vetiya olonjali oku lingila omãla vavo? (9) Olonumbi Viembimbiliya vi pondola oku kuatisa ndati apata oku liyaka locitangi cekambo liolombongo? (10) Oku pokola kolonumbi Viovisonehua viatiamẽla koku liyelisa ketimba, oku yuvula oku sipa eliamba, uholua, kuenda ovina vikuavo, ci kuatisa ndati oku kuata uhayele? (11) Olohuminyo vipi Viembimbiliya vi pamisa elavoko lietu? (Yovi 33:25; Osa. 145:16) (12) Elilongiso Liondaka ya Suku lia ku kuatisa ndati oku pengulula omuenyo wove? (13) O pondola ndati oku kuatisa vakuene lovideo eyi?