Ovideo Yokaliye Yoku Fetika Oku Longisa Omanu Embimbiliya

Ovideo losapi hati: “Momo Lie Ndi Lilongisila Embimbiliya,?” ya sandekiwila omanu vosi vonumbi yetu yo Internet jw.org. Ovideo yaco, ya sandekiwa oco yi vetiye omanu va lekisa onjongole yoku lilongisa Embimbiliya. Tu pondola oku tala ovideo yaco poku toma kosapi ya linga hati: “Pinga Elilongiso Liembimbiliya,” yi sangiwa kombuelo liemẽla loku upa okopia ale oku soneha vo formulariu QR (queira visitar) ya sonehiwa konyima yokokanda ketu kokaliye. Olonumbi vikuaĩmo vi lekisa ndomo ovideo yaco yi pondola oku tu kuatisa kupange woku kunda.

• Poku nyula omunu tua kundila, tu pondola oku popia ndoco: “Citava hẽ okuti ndu ku lekisa ovideo yimue yi lombolola ndomo o pondola oku sanga atambululo kapulilo ove a tiamẽla Kembimbiliya?” Nda eye wa tava, lekisa ovideo yaco vo komputador yove yo peka.

• Nda tu kasi oku eca otuikanda poku eca uvangi ka wa sokiyiwile ale oku kundila povitumãlo pa sangiwa omanu valua, soneha onumbi yi sangiwa voformulariu QR kuenda vetiya omunu waco oco, a sonehe onumbi yaco votelefone yaye. Omo okuti, olonumbi vi sangiwa voformulariu QR ya kapiwavo kalimi alua vonumbi yetu yo Internet, ci ka leluka oku tala ovideo yaco votelefone yove.

• Sapela lomanu o talavaya lavo kupange woku sanda eteku, akamba vove vokosikola, epata liove, kuenda omanu vakuavo ovina viatiamẽla kovideo yaco loku lekisa ovideo yaco kokuavo. Ale, pinga kokuavo nda citava oku yi kapa vo CD oco va yi tale ovo muẽle.

Nda tua kuama lutate esokiyo liokaliye, tu pondola oku fetika oku longisa komanu valua Embimbiliya, loku kuatisa vosi va “nõliwila omuenyo ko pui.”—Ovil. 13:48.