‘Onduko ya Suku yi Sumbiwe ’
1. Yipi osapi yohongele yimbo yunyamo wo 2012, kuenda ya kunamẽla pi?
1 Hesumũlũhokuolio tu kuete lioku tukuiwa londuko Yombiali ya Velapo Voluali Luosi, Yehova! Suku eye wa tu iha onduko yaco, kuenda tunde kunyamo wo 1931 etu Tulombangi Via Yehova tua siata oku tukuiwa londuko yaye okuti,Yehova. (Isa. 43:10) Yesu, omõla wongunga wa Suku, wa kapeleko onduko ya Suku, poku yi tukula vohutililo a linga. (Mat. 6:9) Kolondaka via Yesu oko kua kunamẽla osapi yohongele yetu yimbo yunyamo wo 2012. Oyo yiti: “Onduko ya Suku yi Sumbiwe.”
2. Ovina vipi tu ka yeva kohongele yimbo?
2 Ceci tu ka Yeva: Vocasapalo ohundo losapi hati “Sapula Onduko ya Suku Poku Litumbika Kupange Wakundi Votembo Yosi,” yi ka lombolola esunga lieci upange wotembo yosi u nenela esanju komuenyo. Tu ka yevavo osimbosiu losapi hati, “Lunguka Lovina vi Sepuisa Onduko ya Yehova,” yina yi ka tu kuatisa oku yuvula oku kupukila kayonjo a kuãla. Ohundo losapi hati, “Esunga Lieci Onduko ya Suku yi Sukilila Oku Sumbiwa” yi ka tambulula apulilo ndeci, Nye ci ka tu kuatisa oku kuata ombili kupange woku kunda, ndaño omanu ka va lekisa onjongole? kuenda Nye ci ka tu kuatisa oku amamako kupange waco? Calumingu tu ka yeva osimbosiu yolonepa vikuãla yi ka lekisa ndomo tu pondola oku sumbila onduko ya Suku kovisimĩlo vietu, koku vangula, kovina tu yongola oku linga kuenda kovituwa vietu. Vana va ka kalapo onjanja yatete va ka sola oku ka yevelela ohundo yowiñi losapi hati, “Yehova o ka Kemãlisa Onduko Yaye ko Harmagedo.”
3. Esumũlũho lipi tu kuete, kuenda tu ka kuatisiwa ndati kohongele yimbo?
3 Ndopo Yehova o ka kemãlisa onduko yaye. (Esek. 36:23) Osimbu otembo yaco ka ya pitilile, vosi yetu tu kuete esumũlũho linene lioku amamako oku teyuila onduko yi kola ya Yehova kuenda ovina vikuavo via kongelamo. Tua kolela okuti ohongele yimbo yi ka tu kuatisa oku tẽlisa ciwa ocikele tu kuete coku ambata onduko ya Suku.