‘Eca Orevista Yosimbu Ale Ombrochura yi Vetiya Onjongole Yomunu’

Vokuenda kuolosãi tu ka eca elivulu Embimbiliya li Longisa kuenda tu ka likolisilako oku fetika elilongiso Liembimbiliya kepasu liatete. Tua vetiyiwavo oku “eca olorevista viosimbu ale olombrochura vi vetiya onjongole yomanu,” enene vali nda omunu waco o kuete ale elivulu kuenda ka tava oku lilongisa. Momo lie?

Olombrochura kuenda olorevista viosimbu vi lekisa ovolandu a litepa okuti a kuatisa. Olonjanja vimue alivulu aco a pondola oku vetiya utima wonjeveleli. Eci o longeka ekolombele liove liupange woku kunda, kongelamo olombrochura via litepa kuenda olorevista viosimbu. Nda ku kuete olorevista viosimbu, pinga ku manji ukuacikele colorevista. Nda omunu wa sanga o kuete ale elivulu Embimbiliya li Lilongisa, pole ka yongola elilongiso Liembimbiliya, o pondola oku wĩha orevista ale ombrochura yimue yosimbu wa ambata, kuenda u laleka oku yi tanga oco o vetiye onjongole yaye. Omo liaco, linga esokiyo lioku tiukilako oco o vetiye onjongole yaye. Citava okuti vokuenda kuotembo vu fetika elilongiso Liembimbiliya.